- 2018-11-07 03:40:03
- ប្រដាល់
ពេជ្រ ម្ទេសខ្មាំង៖ ខ្ញុំមិនដឹងអាចទប់ទល់ ចំណាយព្យាបាលបានប៉ុន្មានថ្ងៃទៀតទេ...
- 2018-11-07 03:40:03
- ចំនួនមតិ 0 | ចំនួនចែករំលែក 0
ពេជ្រ ម្ទេសខ្មាំង៖ ខ្ញុំមិនដឹងអាចទប់ទល់ ចំណាយព្យាបាលបានប៉ុន្មានថ្ងៃទៀតទេ...
ចន្លោះមិនឃើញ
អ្នកប្រដាល់ម្ចាស់មេដាយសំរឹទ្ធស៊ីហ្គេម ពេជ្រ ម្ទេសខ្មាំង បង្ហាញក្ដីបារម្ភមិនដឹងថាខ្លួនអាចបន្តទប់ទល់ការព្យាបាលតាបង្កើតរបស់ខ្លួនបានប៉ុន្មានថ្ងៃទៀតទេ ព្រោះចំណាយច្រើនហើយលុយទាំងនោះបានមកពីឡើងសង្វៀនរបស់ខ្លួនកន្លងទៅនេះ។
ពេជ្រ ម្ទេសខ្មាំង បានឲ្យដឹងថា គិតតាំងពីថ្ងៃព្រហស្បតិ៍សប្ដាហ៍មុនមកដល់ពេលនេះប្រហែល៧ថ្ងៃហើយ ដែលលោកតារបស់ខ្លួននៅសម្រាកព្យាបាលក្នុងមន្ទីរពេទ្យកាល់ម៉ែត្រ ខណៈការចំណាយលើថ្លៃព្យាបាលប្រហែល ៦០០-៧០០ ទៅហើយ។
ម្ចាស់មេដាយជាតិ និងអន្តរជាតិផ្នែកប្រដាល់រូបនេះបន្ថែមថា ថ្លៃព្យាបាលស្ទើរទាំងស្រុងគឺខ្លួនជាអ្នករាប់រងទាំងអស់ ហើយថវិកាកំពុងចំណាយនេះសុទ្ធតែបានមកពីតម្លៃខ្លួននៃការប្រកួតកន្លងមកដែលខ្លួនបានសន្សំទុក។ ម្ទេសខ្មាំង មិនទាន់ដឹងថាគ្រូពេទ្យឲ្យលោកតារបស់ខ្លួនចាក់ចេញនៅពេលណាដែរ ប៉ុន្តែក្ដីបារម្ភមួយទៀតនោះ ខ្លាចអស់លទ្ធភាពបង់ថ្លៃពេទ្យ។
«ខ្ញុំមិនដឹងថា មានលុយគ្រប់ថ្លៃពេទ្យ ឬអត់ទៀតទេ ព្រោះ១ថ្ងៃៗជួនកាល១០០ដុល្លារក៏មានដែរ បើពីមុនមាននៅមានម៉ូតូ បើខ្វះលុយអាចយកទៅបញ្ចាំ ឬលក់ព្យាបាលបន្ត តែម៉ូតូក៏បាត់ទៀត» សម្ដី ពេជ្រ ម្ទេសខ្មាំង
រំលឹកដែរថា ពេជ្រ ម្ទេសខ្មាំង ជាអ្នកប្រដាល់ជួរមុខរបស់កម្ពុជា និងជាអ្នកប្រដាល់ជម្រើរើសជាតិប្រដាល់សកលផងដែរ។ ជើងខ្លាំងម្នាក់នេះជាអ្នកប្រដាល់ដែលបានលើកមុខមាត់កម្ពុជា ជាខ្លាំងមិនថាលើឆាកអន្តរជាតិ ឬកម្មវិធីធំៗនោះទេ។ ឥលូវនេះលោកតាបង្កើតរបស់អ្នកប្រដាល់រូបនេះកំពុងមានជំងឺបេះដូង ហើយសម្រាកព្យាបាលនៅក្នុងមន្ទីរពេទ្យកាល់ម៉ែត្រ៕
