- 2014-12-03 19:21:09
- បាល់ទាត់
ណាហ្គាខប មិនទាន់គិតរឿងកីឡាករបរទេស
- 2014-12-03 19:21:09
- ចំនួនមតិ 0 | ចំនួនចែករំលែក 0
ណាហ្គាខប មិនទាន់គិតរឿងកីឡាករបរទេស
ចន្លោះមិនឃើញ
ក្រុមកីឡាបាល់ទាត់ណាហ្គាខប មិនទាន់បានបញ្ចេញព័ត៌មានទាក់ទងនឹងការនាំយកកីឡាករបរទេស ដើម្បីមកជួយក្រុមនៅរដូវកាលខាងមុខនោះទេ ហើយបច្ចុប្បន្នក្លិបមួយនេះនៅកីឡាករបរទេសពីររូបប៉ុណ្ណោះដែលកំពុងនៅហ្វឹកហាត់ជាមួយកីឡាករក្នុងស្រុកជាប្រចាំ។
លោក ឡាំ ទីនី អ្នកចាត់ការទូទៅរបស់ក្លិបបានបញ្ជាក់ថា ក្រុមរបស់លោកមិនទាន់បានគិតគូររឿងរកកីឡាករបរទេសមកបន្ថែមក្នុងក្រុមនៅឡើយទេ ពីព្រោះតែពេលវេលានៃការបើកលីករដូវកាលថ្មី២០១៥ គឺនៅអំឡុងខែមីនា ឆ្នាំ២០១៥ ឯណោះ ហើយអ្វីដែលត្រូវធ្វើនៅពេលនេះគឺការពង្រឹងកីឡាករក្នុងស្រុក ដែលជាធនធានសំខាន់សម្រាប់ការប្រកួតប្រជែងពានរង្វាន់សម្ដេចហ៊ុនសែន ដែលនឹងចាប់ផ្ដើមនៅដើមខែមករា ឆ្នាំក្រោយនេះ។
លោកបន្តថា នៅពេលនេះក្លិបបាននាំយកកីឡាករក្នុងស្រុកពីររូបមកពីក្រុមអាស៊ីអឺរ៉ុប និងកីឡាករមួយរូបមកពីក្រុមគីរីវង់សុខសែនជ័យ ហើយក៏មានយុវជនក្មេងៗមួយចំនួនទៀតផងដែរ។ កីឡាករទាំងចាស់ ទាំងថ្មី កំពុងធ្វើការហ្វឹកហាត់ជុំគ្នាជាប្រចាំនៅទីលានព្រែកលាប ដែលជាទីលានជួលសម្រាប់ហ្វឹកហាត់ជាប្រចាំ។
បន្ថែមលើនេះ លោកបានបញ្ជាក់ប្រាប់ថា ក្លិបនៅមិនទាន់បានគិតដល់រឿងបង្កើតទីលាន សម្រាប់ការរៀបចំការប្រកួតក្នុងដី និងក្រៅដី (Home/Away) ដែលសហព័ន្ធបានអនុញ្ញាតិឲ្យមាននៅរដូវកាលថ្មីខាងមុខនោះទេ ដោយក្លិបនៅមានបញ្ហាចម្បងៗជាច្រើនដែលត្រូវដោះស្រាយ និងធ្វើជាដំណាក់កាលៗ។ មកទល់នឹងពេលនេះ ដំណឹងនៃការចាកចេញរបស់លោកគ្រូបង្វឹកប្រាក់ សុវណ្ណារ៉ា ក៏មិនទាន់ច្បាស់ការមួយរយភាគរយនៅឡើយ ប៉ុន្តែកិច្ចសន្យាចាស់នឹងត្រូវបញ្ចប់នៅត្រឹមចុងខែធ្នូនេះ៕
អត្ថបទ៖ អៀង សូទ្រី
