- 2024-09-25 04:19:35
- កីឡាផ្សេងៗ
អាជ្ញាកណ្ដាល-ចៅក្រម ៖ ត្រូវបំពេញការងារដោយប្រុងប្រយ័ត្នបំផុត ព្រោះបើមានការរិះគន់ខ្លាំងក៏នឹងប៉ះពាល់កិត្តិយស សម្ដេចធិបតី ផងដែរ
- 2024-09-25 04:19:35
- ចំនួនមតិ 0 | ចំនួនចែករំលែក 0
អាជ្ញាកណ្ដាល-ចៅក្រម ៖ ត្រូវបំពេញការងារដោយប្រុងប្រយ័ត្នបំផុត ព្រោះបើមានការរិះគន់ខ្លាំងក៏នឹងប៉ះពាល់កិត្តិយស សម្ដេចធិបតី ផងដែរ
ចន្លោះមិនឃើញ
តំណាងគណៈកម្មការចំពោះកិច្ច ពន្យល់ដល់ ចៅក្រម-អាជ្ញាកណ្ដាល ដែលនឹងបំពេញការងារ និងកាត់សេចក្ដីក្នុងការប្រកួតយុទ្ធគុនចម្រុះខ្មែរបុរាណពានរង្វាន់សម្ដេចធិបតី លើកទី១ សូមធ្វើការដោយប្រុងប្រយ័ត្នបំផុតព្រោះបើមានការរិះគន់ខ្លាំងក៏នឹងអាចប៉ះពាល់ដល់កិត្តិយសសម្ដេចធិបតី ផងដែរ។
ថ្លែងក្នុងពិធីបិទវគ្គបណ្ដុះបណ្ដាលចៅក្រម-អាជ្ញាកណ្ដាល ត្រៀមការប្រកួតយុទ្ធគុនចម្រុះខ្មែរបុរាណ «ពានរង្វាន់សម្ដេចធិបតី» លើកទី១ ឯកឧត្ដម វ៉ាត់ ចំរើន សូមឲ្យសិក្ខាកាមទាំងអស់ត្រូវអនុវត្តន៍ឲ្យបាននូវចំណេះដឹងបច្ចេកទេសដែលបានសិក្សារៀនសូត្រនៅពេលនេះ។ សូមកុំបារម្ភចំពោះការអនុវត្តន៍ការងារជំនាញដែលខ្លួនចេះពិតប្រាកដ ពោលឲ្យតែត្រឹមត្រូវតាមការសិក្សា តាមគ្រូបច្ចេកទេសបង្ហាត់បង្រៀនគឺកុំខ្លាចការដាក់សម្ពាធ ឬស្ដីបន្ទោសពីថ្នាក់លើឲ្យសោះ។
តំណាងគណៈកម្មការចំពោះកិច្ចរូបនេះបន្ថែមទៀតថា ការប្រកួតនេះជាពានរង្វាន់របស់សម្ដេចធិបតី ដូច្នេះចៅក្រម-អាជ្ញាកណ្ដាលទាំងអស់សូមធ្វើការដោយប្រុងប្រយ័ត្នបំផុតពិសេសការដាក់ពិន្ទុ កាត់សេចក្ដី នៅពេលប្រកួតជាក់ស្ដែងដែលនឹងមកដល់នៅពេលខាងមុខនេះ។ ព្រោះបើមានការរិះគន់ខ្លាំងពីមហាជនអ្នកទស្សនាអំពីការងារនេះវាក៏នឹងប៉ះពាល់ដល់កិត្តិយសសម្ដេចផងដែរដោយសារនេះជាពានផ្ទាល់របស់សម្ដេចតែម្ដង។ ការកាត់សេចក្ដីគឺត្រូវផ្អែកលើគោលការណ៍ច្បាប់ដែលបានចែង និងជំនាញដែលបានរៀនសូត្រ។
បញ្ជាក់ដែរថា គណៈកម្មការចំពោះកិច្ចបានបើកវគ្គបណ្ដុះបណ្ដាលចៅក្រម-អាជ្ញាកណ្ដាល កាលពីថ្ងៃទី២៣ ខែកញ្ញា ឆ្នាំ២០២៤ នៅទីស្នាក់ការ NOCC ដើម្បីត្រៀមការប្រកួតយុទ្ធគុនចម្រុះខ្មែរបុរាណពានរង្វាន់សម្ដេចធិបតី លើកទី១ ថ្ងៃទី១៨ ដល់ ២០ ខែតុលា។ កម្មវិធីបិទវគ្គបណ្ដុះបណ្ដាល និងចែកវិញ្ញាបនបត្រម្សិលមិញនេះដែរមានការអញ្ជើញចូលរួមពីឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិក ឯកឧត្ដម វ៉ា ស៊ិនភីរម្យ ទីប្រឹក្សាជាន់ខ្ពស់គណៈកម្មាធិការជាតិអូឡាំពិកកម្ពុជាទទួលបន្ទុកបេសកកម្មពិសេស លោកបណ្ឌិត សេង ប៊ុនសុង និងគ្រូឧបទេសមួយចំនួនទៀតផងដែរ៕
