- 2024-08-02 07:39:49
- កីឡាផ្សេងៗ
ឯកឧត្ដម វ៉ាត់ ចំរើន ជំរុញម្ចាស់ផ្ទះទទួលបន្ទុកប្រកួតកីឡាជាតិ លើកទី៤ ឲ្យរៀបចំរត់ភ្លើងគប់មុនពិធីបើកជាផ្លូវការនៅភ្នំពេញ
- 2024-08-02 07:39:49
- ចំនួនមតិ 0 | ចំនួនចែករំលែក 0
ឯកឧត្ដម វ៉ាត់ ចំរើន ជំរុញម្ចាស់ផ្ទះទទួលបន្ទុកប្រកួតកីឡាជាតិ លើកទី៤ ឲ្យរៀបចំរត់ភ្លើងគប់មុនពិធីបើកជាផ្លូវការនៅភ្នំពេញ
ចន្លោះមិនឃើញ
ឯកឧត្ដម វ៉ាត់ ចំរើន រដ្ឋលេខាធិការក្រសួងអប់រំ បានជំរុញ និងផ្ដល់អនុសាសន៍លើកទឹកចិត្តដល់បណ្ដាខេត្តទាំង៤ ដែលនឹងត្រូវទទួលរៀបចំការប្រកួតកីឡាជាតិលើកទី៤ ឲ្យមានរៀបចំជាពិធីរត់ភ្លើងគប់ក្នុងខេត្តរបស់ខ្លួនដើម្បីបំផុស និងផ្សព្វផ្សាយពីព្រឹត្តិការណ៍ប្រកួតកីឡាជាតិដែលនឹងធ្វើឡើងនៅថ្ងៃទី២៩ តុលា ដល់ ៨ វិច្ឆិកា ២០២៤ នេះ។
ថ្លែងក្នុងកិច្ចប្រជុំជាមួយនាយបេសកកម្មទាំង ៤ខេត្ត និងបណ្ដាសហព័ន្ធពាក់ព័ន្ធព្រឹកមិញនេះឯកឧត្ដម វ៉ាត់ បានលើកឡើងពីផែនការធំៗមានទាំងពិធីបើក-បិទ និងការសម្ដែងផ្សេងៗនៅក្នុងព្រឹត្តិការណ៍កីឡាជាតិលើកទី៤ ខាងមុខនេះ។
ជាមួយគ្នានោះដែរឯកឧត្ដមផ្ដល់អនុសាសន៍ និងបំផុសលើកទឹកចិត្តដល់ប្រធានមន្ទីរទាំង ៤ខេត្តរួមមានខេត្តកែប ស្វាយរៀង ព្រះសីហនុ និងកំពង់ឆ្នាំង ឲ្យរៀបចំលើផែនការធ្វើពិធីរត់ភ្លើងគប់អបអរព្រឹត្តិការណ៍នៃការប្រកួតកីឡាជាតិផង និងបំផុសចលនាស្រឡាញ់លើកស្ទួយផង។ ពាក់ព័ន្ធ និងឧបករណ៍ក៏ដូចជាបច្ចេកទេសរៀបចំផ្សេងៗយ៉ាងណាគឺមានការសហការជួយជ្រោមជ្រែងពីក្រសួង និងគណៈកម្មាធិការជាតិអូឡាំពិក (NOCC)ផងដែរ។
បញ្ជាក់ផងដែរថា ព្រឹកថ្ងៃទី២ ខែសីហា ឆ្នាំ២០២៤ នេះក្រសួងអប់រំ យុវជន និងកីឡា ដឹកនាំដោយឯកឧត្ដម វ៉ាត់ ចំរើន បានបើកកិច្ចប្រជុំលើកទី១ ជាមួយនាយបេសកកម្ម និងសហព័ន្ធកីឡាជាតិដែលពាក់ព័ន្ធនៅសាលមជ្ឈមណ្ឌលហ្វឹកហ្វឺនកីឡា។ ព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ នេះនឹងធ្វើឡើងចាប់ពីថ្ងៃទី២៩ ខែតុលា ដល់ ៨ ខែវិច្ឆិកា ឆ្នាំ២០២៤៕
