/669e466fb9eee_1721648700_medium.jpg)
- 2024-07-22 12:29:16
- បាល់ទាត់
ក្មេងជំទង់មួយរូបក្លាយជាកីឡាករក្មេងជាងគេនៅលីគបាល់ទាត់អាមេរិកាំង
- 2024-07-22 12:29:16
- ចំនួនមតិ 0 | ចំនួនចែករំលែក 0
ក្មេងជំទង់មួយរូបក្លាយជាកីឡាករក្មេងជាងគេនៅលីគបាល់ទាត់អាមេរិកាំង
ចន្លោះមិនឃើញ
កីឡាករ Cavan Sullivan វ័យ១៤-១៥ឆ្នាំ បានក្លាយជាកីឡាករក្មេងជាងគេនៅក្នុងលីគកំពូលសហរដ្ឋអាមេរិក Major League Soccer (MLS)។
កីឡាកររូបនេះលេងឱ្យក្លឹប Philadelphia Union ក្នុងតួនាទីជាខ្សែបម្រើ។ ក្រៅពីក្មេងជាងគេនៅក្នុងកីឡាបាល់ទាត់ កីឡាករកើតឆ្នាំ២០០៩ រូបនេះក៏ជាកីឡាករក្មេងជាងគេនៅកីឡានានានៅទ្វីបអាមេរិកខាងជើង។
អ្វីដែលកាន់តែចាប់អារម្មណ៍ជាងនេះទៅទៀត យុវជន Sullivan អាចនឹងទៅលេងនៅក្លឹបលីគកំពូលអង់គ្លេស Premier League ក្លឹប Manchester City នៅពេលដែលកីឡាកររូបនេះចូលវ័យ១៨ឆ្នាំ។
នៅក្នុងប្រកួតរវាង Philadelphia Union និង New England Revolution កាលពីសប្ដាហ៍មុន កីឡាករវ័យ ១៤ឆ្នាំរូបនេះត្រូវបានផ្លាស់ចូលលេងនៅនាទីទី៨៥។ ក្លឹបរបស់ខ្លួនបានឈ្នះក្នុងលទ្ធផល ៥ ទល់នឹង ១។
ទាក់ទិននឹងការចូលលេងនេះដែរ Sullivan បាននិយាយថា៖ «នេះគ្រាន់តែជាចំណុចចាប់ផ្ដើមមួយទេ»។
សូមជម្រាបផងដែរថា Sullivan បានក្លាយជាកីឡាករឈុតធំរបស់ក្លឹបសព្វថ្ងៃនេះនៅដើមឆ្នាំ២០២៤នេះ។ កន្លងទៅ កីឡាករអាល្លឺម៉ង់កាត់បង់ក្លាដេសរូបនេះលេងនៅក្លឹបយុវជនរបស់ Philadelphia Union និងលេងនៅជម្រើសជាតិអាមេរិកក្រោមអាយុ ១៥ឆ្នាំ៕
