- 2024-06-11 05:10:37
- កីឡាផ្សេងៗ
សហព័ន្ធតេក្វាន់ដូ ITF៖ ការធ្វើតេស្តដំឡើងខ្សែក្រវាត់ជាការយកចិត្តទុកដាក់លើការរីកចម្រើនរបស់ធនធាន ITF
- 2024-06-11 05:10:37
- ចំនួនមតិ 0 | ចំនួនចែករំលែក 0
សហព័ន្ធតេក្វាន់ដូ ITF៖ ការធ្វើតេស្តដំឡើងខ្សែក្រវាត់ជាការយកចិត្តទុកដាក់លើការរីកចម្រើនរបស់ធនធាន ITF
ចន្លោះមិនឃើញ
ប្រធានសហព័ន្ធតេក្វាន់ដូ ITF កម្ពុជា ថាការធ្វើតេស្តដំឡើងខ្សែក្រវាត់កាលពីថ្ងៃទី៩ ខែមិថុនា ឆ្នាំ២០២៤ នេះជាការយកចិត្តទុកដាក់ និងពិនិត្យលើការរីកចម្រើននៃការហ្វឹកហាត់របស់សិស្សគុន ITF។
ថ្លែងក្រោយបញ្ចប់ការធ្វើតេស្ដដំឡើងខ្សែក្រវាត់របស់សហព័ន្ធតេក្វាន់ដូ ITF ឯកឧត្ដម កែវ រ៉េមី ប្រធានសហព័ន្ធបានឲ្យដឹងថា ដោយសារតែមានភាពរីកចម្រើនលើសមត្ថភាពខ្លាំងរបស់សិស្សគុននៅតាមបណ្ដាក្លឹបនានាទូទាំងប្រទេស ដូច្នេះសហព័ន្ធរួមទាំងគ្រូៗសម្រេចរៀបចំការប្រឡងនេះឡើង។
ឯកឧត្ដមទេសរដ្ឋមន្ត្រីបន្ថែមទៀតថា ការធ្វើតេស្ដនេះគឺមានសារប្រយោជន៍ចំពោះកីឡាករ កីឡាការិនី រួមទាំងគ្រូៗ ឬចៅក្រមអាជ្ញាកណ្ដាលដែលបានមកប្រឡងដំឡើងខ្សែក្រវាត់នេះ។ ទី១ ជាការយកចិត្តទុកដាក់របស់សហព័ន្ធចំពោះការខំប្រឹងប្រែង និងមានសមត្ថភាពរីកចម្រើនឈានដល់ទទួលបានការឡើងកម្រិតខ្សែក្រវាត់ថ្មី។ ទី២ បង្ហាញពីចំណុចខ្វះខាតដែលអ្នកចូលរួមត្រូវបំពេញបន្ថែម។ ទី៣ ជាការដាស់តឿនដល់គ្រូៗដែលត្រូវពង្រឹងសមត្ថភាពក្បាច់គុន និងអភិវឌ្ឍន៍ខ្លួនឲ្យកាន់តែខ្ពស់ពីមួយកម្រិតទៅមួយកម្រិតដើម្បីបង្ហាត់បង្រៀនសិស្សគុនកាន់តែល្អប្រសើរ។ ទី៤ បានមើលឃើញពីភាពរីកចម្រើន និងចំណុចត្រូវកែលំអរបស់ក្រុមដែលត្រូវចេញទៅប្រកួតប្រទេសឥណ្ឌា អំឡុងពាក់កណ្ដាលខែសីហា ឆ្នាំ២០២៤ ខាងមុខ។
បញ្ជាក់ដែរថា ការធ្វើតេស្ដសមត្ថភាពដំឡើងខ្សែក្រវាត់ កីឡាករ កីឡាការិនី រួមទាំងគ្រូៗនេះធ្វើឡើងនៅព្រឹកថ្ងៃទី៩ ខែមិថុនា ឆ្នាំ២០២៤ ក្នុងសាលហ្វឹកហាត់នៃអគារមជ្ឈមណ្ឌលហ្វឹកហ្វឺនកីឡាពហុកីឡដ្ឋានជាតិ។ ចំពោះអ្នកចូលរួមតេស្ដទាំងអស់សរុបមានចំនួន ៤១នាក់ មកពី ៩ក្លឹបតាមបណ្ដារាជធានី-ខេត្ត៕
