- 2024-03-06 09:08:51
- កីឡាផ្សេងៗ
ព្រឹត្តិការណ៍ Women Run 10k អបអរទិវា ៨ មីនា ខាងមុខនេះមានអ្នកចុះឈ្មោះ ២៦០០នាក់
- 2024-03-06 09:08:51
- ចំនួនមតិ 0 | ចំនួនចែករំលែក 0
ព្រឹត្តិការណ៍ Women Run 10k អបអរទិវា ៨ មីនា ខាងមុខនេះមានអ្នកចុះឈ្មោះ ២៦០០នាក់
ចន្លោះមិនឃើញ
លោក សែម ផល្លា ថាព្រឹត្តិការណ៍រត់ប្រណាំង Women Run 10k អបអរសាទរទិវាសិទ្ធិនារីអន្តរជាតិ ៨ មីនា ឆ្នាំ២០២៤ នៅមុខវត្តបទុមវតីមានអ្នកចុះឈ្មោះរហូត ២៦០០នាក់មកពី ៤៥ប្រទេសចូលរួម។
នេះបើតាមលោក សែម ផល្លា ប្រធានគណៈកម្មការរៀបចំព្រឹត្តិការណ៍ Women Run 10k បានឲ្យដឹងថា នៅពេលនេះក្រុមការងារទទួលបានការចុះឈ្មោះមានចំនួន ២៦០០នាក់ក្នុងការចូលរួមរត់កម្សាន្តនៅថ្ងៃទី៨ ខែមីនា ឆ្នាំ២០២៤ នៅមុខវត្តបទុមវតី។ ក្នុងចំណោមអ្នកចុះឈ្មោះទាំងនោះគឺមានបរទេសមកពី ៤៥ប្រទេសចូលរួម។
អ្នកជំនាញរៀបចំម៉ារ៉ាតុងខាងលើនេះបន្ថែមទៀតថា ឥលូវគណៈកម្មការកំពុងផ្ដល់សម្ភារដល់អ្នកដែលបានចុះឈ្មោះរួចដើម្បីត្រៀមនៅថ្ងៃទី៨ មីនា។ ចំពោះគណៈកម្មការរៀបចំគឺបានត្រៀមខ្លួនរួចរាល់ហើយរង់ចាំតែពេលព្រឹត្តិការណ៍មកដល់ប៉ុណ្ណោះ។
បញ្ជាក់ដែរថា ព្រឹត្តិការណ៍រត់ប្រណាំង Women Run 10k នេះនឹងធ្វើឡើងនៅថ្ងៃសុក្រ ទី៨ ខែមីនា ឆ្នាំ២០២៤ នៅមុខវត្តបទុមវតី រាជធានីភ្នំពេញ។ ព្រឹត្តិការណ៍នេះរៀបចំឡើងក្នុងគោលបំណងជាការអបអរសាទរទិវាសិទ្ធិនារីអន្តរជាតិ ៨ មីនា និងជាចលនាកីឡាបែបសប្បុរសធម៌យកថវិកាទៅជួយមន្ទីរពេទ្យ អង្គការក្រៅរដ្ឋាភិបាល និងសាលារៀនជាដើម៕
