ក្រុម OFF ROAD កម្ពុជា នឹងចូលរួមប្រកួតប្រជែងក្នុងព្រឹត្តិការណ៍ KhoaNoi Challenge 2024 ប្រទេសថៃ

2024-01-29 07:22:56
កីឡាផ្សេងៗ

2024-01-29 07:22:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមប្រណាំងរថយន្ត OFF ROAD កម្ពុជា នឹងចូលរួមប្រកួតប្រជែងក្នុងព្រឹត្តិការណ៍ធំ KhoaNoi Challenge 2024 ឯប្រទេសថៃ រយៈពេលជិត ១សប្ដាហ៍។

ឯកឧត្ដម ទៀ ស្យាម

ប្រធានក្រុមមហាគ្រួសាររថយន្ត OFF ROAD ឯកឧត្ដម ទៀ ស្យាម បានឲ្យដឹងថា ដោយមើលឃើញពីការរីកចម្រើនក្នុងវិស័យកីឡា OFF ROAD របស់កម្ពុជាគឺភាគីខាងប្រទេសថៃបានអញ្ជើញកម្ពុជាឲ្យចូលរួមប្រកួតក្នុងព្រឹត្តិការណ៍ KhoaNoi Challenge 2024 នៅខេត្តរយ៉ង ប្រទេសថៃ។

ទិដ្ឋភាពជួបជុំកីឡាករ

ការចូលរួមនេះគឺនឹងផ្ដល់ផលប្រយោជន៍ច្រើនដល់កម្ពុជា ដូចជាបានលើកស្ទួយវិស័យកីឡា OFF ROAD របស់កម្ពុជា បានបង្កើនចំណងមិត្តភាពរវាងប្រទេសកម្ពុជាជាមួយប្រទេសថៃ កីឡាករទទួលបានបទពិសោធថ្មី និងអាចយកមកចែករំលែកដល់កីឡាករនៅក្នុងស្រុក។ រាល់ការចេញទៅប្រកួតនៅក្រៅប្រទេសគឺតែងតែទទួលបាននូវចំណេះដឹងថ្មីៗដូចជាបទពិសោធការប្រណាំង ឬការកែច្នៃ លេងឡានជាដើម។

ទិដ្ឋភាពជួបជុំកីឡាករ

ឯកឧត្ដមអំពាវនាវដល់មហាជនឲ្យជួយគាំទ្រ និងឧបត្ថម្ភកីឡាករ OFF ROAD របស់កម្ពុជាចេញទៅប្រកួតនេះដើម្បីឲ្យរឹតតែមានកម្លាំងចិត្តក្នុងការប្រជែងយកជ័យជម្នះទទួលបានពានរង្វាន់ជូនជាតិមាតុភូមិនៅពេលត្រលប់មកវិញ។

ទិដ្ឋភាពជួបជុំកីឡាករ

បញ្ជាក់ដែរថា ក្រុម OFF ROAD កម្ពុជាបញ្ជូនឡានដើម្បីប្រកួតចំនួន៤គ្រឿង និងឡានសម្រាប់ជួយគាំទ្រ (Support) ចំនួន៦គ្រឿង និងសរុបកីឡាករ ជាងជួសជុល ក្រុមការងារសរុប ១៨នាក់។ ការចេញដំណើរគឺនៅថ្ងៃទី៣០ ខែមករា តាមច្រក់អន្តរជាតិកោះកុង រួមបន្តដំណើរទៅខេត្តរយ៉ងតែម្ដង។ ក្រុមកម្ពុជានឹងបញ្ចប់ភារកិច្ចហើយត្រលប់មកវិញនៅថ្ងៃទី៥ ខែកុម្ភៈ ឆ្នាំ២០២៤៕