- 2023-11-29 03:34:42
- កីឡាផ្សេងៗ
សហព័ន្ធខ្មែរកីឡាហាប់គីដូ៖ នឹងរៀបចំការប្រកួតជើងឯកថ្នាក់ជាតិលើកទី១ នៅចុងខែធ្នូ ២០២៣
- 2023-11-29 03:34:42
- ចំនួនមតិ 0 | ចំនួនចែករំលែក 0
សហព័ន្ធខ្មែរកីឡាហាប់គីដូ៖ នឹងរៀបចំការប្រកួតជើងឯកថ្នាក់ជាតិលើកទី១ នៅចុងខែធ្នូ ២០២៣
ចន្លោះមិនឃើញ
សហព័ន្ធខ្មែរកីឡាហាប់គីដូ នឹងរៀបចំការប្រកួតជើងឯកថ្នាក់ជាតិលើកទី១ ឆ្នាំ២០២៣ របស់ខ្លួននៅចុងខែធ្នូ ដែលនេះជាការបោះជំហានមួយកម្រិតទៀតឈានដល់ការបង្កើតការប្រកួតរៀងរាល់ឆ្នាំ និងពង្រីកការផ្សព្វផ្សាយក្បាច់គុនមួយនេះដល់មហាជន។
លោក គង់ ចាន់ធីណា អគ្គលេខាធិការសហព័ន្ធខ្មែរកីឡាហាប់គីដូ បានលើកឡើងថា គម្រោងការប្រកួតនៅចុងខែធ្នូ ឆ្នាំ២០២៣ នេះជាលើកទី១ ហើយសម្រាប់សហព័ន្ធ។ ព្រោះតាំងពីកកើតនៅកម្ពុជាមករយៈពេល ៣០-៤០ឆ្នាំហើយកីឡាមួយនេះគឺមិនដែលមានជាការប្រកួតជើងឯកអ្វីនោះទេ។
ការប្រកួតនេះដែរគោលបំណងធំគឺបង្ហាញពីសកម្មភាពថ្មីមួយទៀតរបស់សហព័ន្ធក្រោមការដឹកនាំពីលោកឧកញ៉ា សៅ សេងហាក់ ប្រធានសហព័ន្ធ និងគណៈកម្មាធិការប្រតិបត្តិផ្សេងៗទៀត។ នេះជាជំហានថ្មីមួយ និងជាចំណុចចាប់ផ្ដើមក្នុងការរៀបចំឲ្យមានជាការប្រកួតនានាបន្តបន្ទាប់ទៀតពិសេសឈានដល់ការរៀបចំរៀងរាល់ឆ្នាំតែម្ដង។
អគ្គលេខាធិការ និងជាគ្រូជើងចាស់រូបនេះបន្ថែមទៀតថា ព្រឹត្តិការណ៍នេះក៏ជាការពង្រឹងសមត្ថភាពដក់ស្រង់បច្ចេកទេសសម្រាប់សិស្សគុនហាប់គីដូផង និងជាការពង្រីកផ្សព្វផ្សាយដល់មហាជនឲ្យស្គាល់កាន់តែច្បាស់ចំពោះប្រភេទកីឡាប្រភពដើមពីកូរ៉េមួយនេះ។
បញ្ជាក់ដែរថា ការប្រកួតជើងឯកថ្នាក់ជាតិ លើកទី១ របស់សហព័ន្ធខ្មែរកីឡាហាប់គីដូនេះធ្វើឡើងនៅចុងខែធ្នូ ក្នុងពហុកីឡដ្ឋានជាតិ។ ក្លឹបចូលរួមមានចំនួន៥ នឹងត្រូវប្រកួតលើ៥វិញ្ញាសា។ សម្រាប់អ្នកចង់ចូលរួមឧបត្ថម្ភដល់ការប្រកួតនេះអាចទំនាក់ទំនងមកកាន់លោក គង់ ចាន់ធីណា បានតាមរយៈលេខទូរស័ព្ទ 012 715 415៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
