- 2023-10-31 03:38:26
- កីឡាផ្សេងៗ
ក្រុមទូកនាគកម្ពុជា៖ ស្ដាប់ទៅមិនធម្មតាមែន ឈ្នះទូកគេដាច់ៗរហូតគណៈកម្មការឲ្យឡើងឈរជើងតែម្ដង
- 2023-10-31 03:38:26
- ចំនួនមតិ 0 | ចំនួនចែករំលែក 0
ក្រុមទូកនាគកម្ពុជា៖ ស្ដាប់ទៅមិនធម្មតាមែន ឈ្នះទូកគេដាច់ៗរហូតគណៈកម្មការឲ្យឡើងឈរជើងតែម្ដង
ចន្លោះមិនឃើញ
ឯកឧត្ដម មាស សារិន ថាក្រុមទូកនាគកម្ពុជាលេងលើវិញ្ញាសា ៣០០ម៉ែត្រនៅម៉ាឡេស៊ី នេះគឺធ្វើបានល្អមែនឈ្នះទូកប្រទេសផ្សេងៗដាច់ៗតែម្ដងរហូតគណៈកម្មការរៀបចំការប្រកួតដាក់ឲ្យឈរជើង២ដងដោយមិនបាច់ជម្រុះជាមួយគេ។
អនុប្រធានសហព័ន្ធកីឡាទូកកានូ និងរ៉ូអ៊ីងកម្ពុជា ឯកឧត្ដម មាស សារិន បានឲ្យដឹងថា ការចូលរួមក្នុងព្រឹត្តិការណ៍ Sarawak International Dragon boat Regatta 2023 នៅប្រទេសម៉ាឡេស៊ីនេះគឺកម្ពុជាជ្រើសរើសយកវិញ្ញាសា ៣០០ម៉ែត្រ។ វិញ្ញាសានេះមានចម្ងាយជិត ហើយវាស័ក្ដិសមជាមួយក្រុមកីឡាករកម្ពុជាអំណោយផលដល់កម្លាំងក្នុងការប្រកួត។
ឯកឧត្ដមបន្ថែមទៀតថា នៅជុំទី១ ក្រុមកម្ពុជាឈ្នះគេដាច់ប្រហែលជាងមួយទូកហើយជាប់លេខ១ ដូច្នេះគណៈកម្មការមើលឃើញជាទូកខ្លាំងដូច្នេះដាក់ឲ្យឈរជើងដោយមិនបាច់ជម្រុះជាមួយទូកប្រទេសដទៃទៀត។ ដល់វគ្គពាក់កណ្ដាលផ្ដាច់ព្រ័ត្រទូកកម្ពុជា ឈ្នះគេដាច់ទៀត ដូច្នេះបានឡើងទៅឈរជើងនៅវគ្គផ្ដាច់ព្រ័ត្រតែម្ដង។ ចំពោះវគ្គផ្ដាច់ព្រ័ត្រវិញគឺប៉ះសុទ្ធតែប្រទេសខ្លាំងៗដូចជា ចិន ឥណ្ឌូណេស៊ី និងប្រទេសប្រ៊ុយណេជាដើម យ៉ាងណាកម្ពុជានៅតែធ្វើបានល្អឈ្នះជិតមួយទូកបន្តទៀតទទួលបានមេដាយមាស១គ្រឿងក្នុងព្រឹត្តិការណ៍អន្តរជាតិនេះ។
បញ្ជាក់ដែរថា ការកប្រកួត Sarawak International Dragon boat Regatta 2023 គឺធ្វើឡើងនៅប្រទេសម៉ាឡេស៊ី ចាប់ពីថ្ងៃទី២៦ ដល់ ៣០ ខែតុលា ឆ្នាំ២០២៣។ កម្ពុជាលេងតែ ១វិញ្ញាសាប៉ុណ្ណោះគឺ ៣០០ម៉ែត្រ និងឈ្នះបានមេដាយមាស ១គ្រឿង។ យប់មិញនេះក្រុមទូករបស់កម្ពុជាបានមកដល់កម្ពុជាវិញហើយ៕
