- 2023-10-30 04:00:25
- កីឡាផ្សេងៗ
ចូលរួមលើកទី១ ក្រុមទូកនាគកម្ពុជាដណ្ដើមមេដាយមាស នៅប្រទេសម៉ាឡេស៊ី
- 2023-10-30 04:00:25
- ចំនួនមតិ 0 | ចំនួនចែករំលែក 0
ចូលរួមលើកទី១ ក្រុមទូកនាគកម្ពុជាដណ្ដើមមេដាយមាស នៅប្រទេសម៉ាឡេស៊ី
ចន្លោះមិនឃើញ
ចូលរួមអបអរចំពោះក្រុមកីឡាករទូកនាគកម្ពុជា ដែលបានដណ្ដើមមេដាយមាស១គ្រឿង ក្នុងព្រឹត្តិការណ៍ Sarawak International Dragon boat Regatta 2023 នៅប្រទេសម៉ាឡេស៊ី ខណៈនេះជាលើកទី១ ដែលបានចូលរួម។
បើការបង្ហោះផ្សព្វផ្សាយលើហ្វេសបុករបស់សហព័ន្ធកីឡាទូកកានូ និងរ៉ូអ៊ីងកម្ពុជា បានបញ្ជាក់ថា កម្ពុជាដណ្ដើមបានមេដាយមាស១គ្រឿង លើវិញ្ញាសាចម្ងាយ ៣០០ម៉ែត្រ ចំណុះ ១២នាក់ផ្នែកបុរស។ ក្រុមកម្ពុជាធ្វើបានល្អមែនទែនតាំងពីវគ្គទី១ រហូតដល់វគ្គដណ្ដើមមេដាយមាសនេះតែម្ដង។
ការប្រកួតមួយនេះគឺមិនងាយស្រួលក្នុងការប្រជែងមេដាយនោះទេ ពោលមានប្រទេសចូលរួមរហូតដល់ទៅ ១៨ផ្សេងៗគ្នាឯណោះ។ ប៉ុន្តែដោយសារការហ្វឹកហាត់បានល្អ ការត្រៀមលក្ខណៈបានពេញលេញរបស់ក្រុមជម្រើសជាតិកម្ពុជាទើបទទួលបានជ័យជម្នះមួយនេះ។
បញ្ជាក់ដែរថា Sarawak International Dragon boat Regatta 2023 គឺធ្វើឡើងនៅប្រទេសម៉ាឡេស៊ី ចាប់ពីថ្ងៃទី២៦ ដល់ ៣០ ខែតុលា ឆ្នាំ២០២៣៕
