- 2023-09-28 08:21:28
- កីឡាផ្សេងៗ
ប្រតិភូសហព័ន្ធកីឡាទូករ៉ូអ៊ីងអាស៊ី៖ សរសើរពីសមត្ថភាព និងហេដ្ឋារចនាសម្ព័ន្ធកីឡាទូករបស់កម្ពុជា
- 2023-09-28 08:21:28
- ចំនួនមតិ 0 | ចំនួនចែករំលែក 0
ប្រតិភូសហព័ន្ធកីឡាទូករ៉ូអ៊ីងអាស៊ី៖ សរសើរពីសមត្ថភាព និងហេដ្ឋារចនាសម្ព័ន្ធកីឡាទូករបស់កម្ពុជា
ចន្លោះមិនឃើញ
ប្រតិភូសហព័ន្ធកីឡាទូករ៉ូអ៊ីងអាស៊ី មកទស្សនកិច្ចនៅកម្ពុជារយៈពេល ២ថ្ងៃ និងបានចុះមកដល់ទីលានហ្វឹកហាត់ផ្ទាល់នៅបញ្ជាការដ្ឋានកងទ័ពជើងទឹកមើលពីការហ្វឹកហាត់ក៏ដូចជាហេដ្ឋារចនាសម្ព័ន្ធនៅសង្កាត់ជ្រោយចង្វា។
ឧត្ដមនាវីទោ ចាយ ស៊ីជឿន អគ្គលេខាធិការរងសហព័ន្ធកីឡាទូកកានូ និងរ៉ូអ៊ីងកម្ពុជា បានឲ្យដឹងថា លោក Ken Lee ទីប្រឹក្សាផ្ទាល់ប្រធានសហព័ន្ធកីឡាទូករ៉ូអ៊ីងអាស៊ី គឺមកទស្សនកិច្ចនៅកម្ពុជានេះមានរយៈពេល ២ថ្ងៃ។ នៅព្រឹកមិញនេះគឺលោក រួមនិងប្រតិភូទាំងអស់បានចុះមកមើលការហ្វឹកហាត់ផ្ទាល់របស់កីឡាករ កីឡាការិនីកម្ពុជានៅទីលានបញ្ជាការដ្ឋានកងទ័ពជើងទឹកក្នុងសង្កាត់ជ្រោយចង្វា។
អគ្គលេខាធិការរងសហព័ន្ធខាងលើបន្ថែមទៀតថា បន្ទាប់ពីលោក Ken Lee បានទស្សនាហើយគឺមានការកោតសរសើរពីសមត្ថភាពកីឡាករ កីឡាការិនីកម្ពុជា។ ឥឡូវនេះលោកបានឃើញផ្ទាល់ភ្នែកហើយ ព្រោះកន្លងទៅធ្លាប់តែបានឮពីភាពខ្លាំងដែលគេបាននិយាយពីកម្ពុជា។ ជាមួយគ្នានេះដែរភាគីខាងសហព័ន្ធកីឡារ៉ូអ៊ីងអាស៊ីសន្យានឹងជួយពង្រឹងសមត្ថភាពផ្នែករ៉ូអ៊ីងកម្ពុជាឲ្យតែខ្លាំងបន្ថែមទៀត។
បញ្ជាក់ដែរថា ព្រឹកថ្ងៃទី២៨ ខែកញ្ញា ឆ្នាំ២០២៣ នេះលោក Ken Lee ទីប្រឹក្សាផ្ទាល់ប្រធានសហព័ន្ធកីឡាទូករ៉ូអ៊ីងអាស៊ី បានចុះទៅទស្សនកិច្ចផ្ទាល់នៅទីលានហ្វឹកហាត់កីឡាទូកកានូ និងរ៉ូអ៊ីងកម្ពុជាក្នុងបញ្ជាការដ្ឋានកងទ័ពជើងទឹកក្នុងសង្កាត់ជ្រោយចង្វា។ លោក Ken Lee ក៏បានចូលជួបសំដែងការគួរសមជាមួយ នាយឧត្ដមនាវី ទៀ វិញ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងទឹក និងជាអនុប្រធានសហព័ន្ធកីឡាទូកកានូ និងអ៊ីងកម្ពុជា ផងដែរ៕
