- 2023-09-15 10:00:18
- កីឡាផ្សេងៗ
កីឡាករចិត្តត្រជាក់ល្ហឹម បឺត សង្ឃឹម វិលចូលសង្វៀនវិញនៅអាទិត្យនេះហើយក្រោយរបួស
- 2023-09-15 10:00:18
- ចំនួនមតិ 0 | ចំនួនចែករំលែក 0
កីឡាករចិត្តត្រជាក់ល្ហឹម បឺត សង្ឃឹម វិលចូលសង្វៀនវិញនៅអាទិត្យនេះហើយក្រោយរបួស
ចន្លោះមិនឃើញ
ជើងខ្លាំងគុនខ្មែរ និងជាកីឡាករចិត្តត្រជាក់ បឺត សង្ឃឹម បានវិលចូលសង្វៀនវិញហើយនៅថ្ងៃអាទិត្យ ទី១៧ ខែកញ្ញា ឆ្នាំ២០២៣ ខាងមុខនេះ។
បន្ទាប់ពីឈ្នះមេដាយមាស ស៊ីហ្គេម ២០២៣ នៅកម្ពុជាអំឡុងខែឧសភា កន្លងទៅ កីឡាករ IQ បឺត សង្ឃឹម ខកខានឡើងសង្វៀនរហូតមកដល់ពេលនេះ។ ក្រោយសម្រាកព្យាបាលជិតកន្លះឆ្នាំមកនេះក្មួយប្រុសរបស់ បឺត ខាំ ខាងលើក៏ជាសះស្បើយ និងអាចវិលចូលសង្វៀនវិញហើយ។
ក្នុងកិច្ចសម្ភាសមួយកីឡាករ បឺត សង្ឃឹម បញ្ជាក់ថាខ្លួនបានជាពីរបួសវិញហើយ និងបានហ្វឹកហាត់រយៈពេលពេញ ១ខែដើម្បីត្រៀមការប្រកួតនៅសង្វៀន Town។ ម្ចាស់មេដាយមាសស៊ីហ្គេម ២ជំនាន់រូបនេះបញ្ជាក់ទៀតថា បើខ្លួនហ៊ានទទួលការប្រកួតរបស់គេហើយមានន័យថា សុខភាព និងការហ្វឹកហាត់គឺត្រៀមរួចហើយ។
កីឡាករ បឺត សង្ឃឹម របួសសរសៃជង្គង់ស្ដាំអំឡុងខែឧសភា ពេលស៊ីហ្គេម លើកទី៣២ ឆ្នាំ២០៣ នៅកម្ពុជា ប៉ុន្តែរូបបន្តប្រកួតរហូតឈ្នះមេដាយមាស។ សប្ដាហ៍នេះរូបគេនឹងត្រូវស្វាគមន៍កីឡាករថៃ Super K Sitmonchai នៅព្រឹកថ្ងៃអាទិត្យ ទី១៧ ខែកញ្ញា ឆ្នាំ២០២៣ លើសង្វៀន Town។ នេះក៏ជាប្រកួតដំបូងរបស់គេបន្ទាប់ជារបួសផងដែរ៕
