- 2023-09-15 04:43:33
- កីឡាផ្សេងៗ
ក្រសួងអប់រំ៖ ម្ចាស់មេដាយការប្រកួតសិស្សមធ្យមបន្តខំប្រឹងហ្វឹកហាត់ដើម្បីជាធនធាននៅថ្ងៃខាងមុខ
- 2023-09-15 04:43:33
- ចំនួនមតិ 0 | ចំនួនចែករំលែក 0
ក្រសួងអប់រំ៖ ម្ចាស់មេដាយការប្រកួតសិស្សមធ្យមបន្តខំប្រឹងហ្វឹកហាត់ដើម្បីជាធនធាននៅថ្ងៃខាងមុខ
ចន្លោះមិនឃើញ
តំណាងក្រសួងអប់រំ យុវជន និងកីឡា លើកទឹកចិត្តដល់សិស្សានុសិស្សដែលទើបឈ្នះមេដាយ មាស ប្រាក់ និងសំរឹទ្ធ ព្រឹត្តិការណ៍កីឡាសិស្សមធ្យមសិក្សាសូមបន្តហ្វឹកហាត់ជំនាញរបស់ខ្លួនដើម្បីអនាគតអាចក្លាយជាជម្រើសជាតិបន្តពីរៀមច្បង។
ឯកឧត្ដម វ៉ាត់ ចំរើន បានលើកឡើងក្នុងពិធីបិទការប្រកួតកីឡាសិស្សមធ្យមសិក្សាថា អ្នកដែលឈ្នះមេដាយទាំងអស់ មិនថាមេដាយ មាស ប្រាក់ សំរឹទ្ធ សូមបន្តហ្វឹកហាត់ជំនាញកីឡារបស់ខ្លួនតទៅទៀត ព្រោះអនាគតខាងមុខអាចជាធនធានរបស់ប្រទេសជាតិដូចជាជាប់ជម្រើសជាតិ ឬក្លាយជាគ្រូអប់រំកាយផងដែរ។
កីឡាគឺមានសារសំខាន់ និងជាផ្នែកមួយធ្វើឲ្យជោគជ័យក្នុងជីវិត ការហ្វឹកហាត់កីឡាធ្វើឲ្យមានសុខភាពរឹងមាំ ចលនាកីឡាធ្វើឲ្យមានសាមគ្គីភាព និងចេះសហការគ្នាធ្វើការងារជាក្រុម។ ដូច្នេះគ្រប់គ្នាគួរបន្តហ្វឹកហាត់កីឡាដើម្បីទទួលបានគុណប្រយោជន៍ជាច្រើនដូចបានរៀបរាប់ខាងលើ។
បញ្ជាក់ដែរថា ការប្រកួតកីឡាសិស្សមធ្យមសិក្សា ឆ្នាំ២០២៣ នេះបានបញ្ចប់កាលពីថ្ងៃទី១០ ខែកញ្ញា ឆ្នាំ២០២៣ នៅក្នុងវិមានពហុកីឡដ្ឋានជាតិ។ ចំណាត់ថ្នាក់លេខ១ បានលើរាជធានីភ្នំពេញ ឈ្នះមេដាយសរុប ៥៨គ្រឿង លេខ២ បានលើ ខេត្តកណ្ដាល ឈ្នះមេដាយសរុប ៣២គ្រឿង (មាស១០ ប្រាក់១៤ សំរឹទ្ធ៨) និងលេខ៣ បានលើ ខេត្តបាត់ដំបង ឈ្នះមេដាយសរុប ៣៩គ្រឿង (មាស១០ ប្រាក់១២ សំរឹទ្ធ១៧)៕
