- 2023-09-01 07:13:07
- កីឡាផ្សេងៗ
ពិធីបើកជាផ្លូវការការប្រកួតកីឡាសិស្សមធ្យមសិក្សាថ្នាក់ជាតិ នឹងធ្វើឡើងនៅរសៀលថ្ងៃទី៣ ខែកញ្ញា
- 2023-09-01 07:13:07
- ចំនួនមតិ 0 | ចំនួនចែករំលែក 0
ពិធីបើកជាផ្លូវការការប្រកួតកីឡាសិស្សមធ្យមសិក្សាថ្នាក់ជាតិ នឹងធ្វើឡើងនៅរសៀលថ្ងៃទី៣ ខែកញ្ញា
ចន្លោះមិនឃើញ
កម្មវិធីប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ នេះនឹងធ្វើពិធីបើកជាផ្លូវការនៅថ្ងៃទី៣ ខែកញ្ញា ក្នុងពហុកីឡដ្ឋានជាតិ ចាប់ពីម៉ោង៣រសៀលតទៅ។ មិនតែប៉ុណ្ណេះគឺមានការសម្ដែងសិល្បៈកម្សាន្តផងដែរ ដូច្នេះមហាជនចង់ចូលរួមគឺមកចូលរួមបានដោយសេរី។
ឯកឧត្ដម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា បានណែនាំ និងចង្អុលបង្ហាញចំណុចសំខាន់ៗមួយចំនួនទៅតាមអនុគណៈកម្មការបច្ចេកទេសពាក់ព័ន្ធ និងតំណាងសហព័ន្ធកីឡាជាតិទាំង១២ ឱ្យយកចិត្តទុកដាក់បន្ថែមទៅតាមតួនាទីភារកិច្ចរបស់ខ្លួនដែលមានភាពខ្វះចន្លោះ។
លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡាបញ្ជាក់ថា ការរៀបចំប្រកួតកីឡាសិស្សមធ្យមសិក្សាថ្នាក់ជាតិ ឆ្នាំ២០២៣ នឹងប្រព្រឹត្តទៅចាប់ពីថ្ងៃទី០២ ដល់ថ្ងៃទី១១ ខែកញ្ញា ឆ្នាំ២០២៣ ដែលមានប្រតិភូ គ្រូបង្វឹក កីឡាករ កីឡាការិនី ទាំង២៥ រាជធានី ខេត្ត ចូលរួមចំនួនសរុប ៣២៥៧ នាក់ មានវិញ្ញាសាសរុបចំនួន ១០៥ មេដាយដែលត្រូវបំពាក់សរុបចំនួន ៧១៦គ្រឿង លើ១២ ប្រភេទកីឡារួមមាន បាល់ទាត់ បាល់ទះ បាល់បោះ អត្តពលកម្ម វាយកូនឃ្លីលើតុ វាយសី តេក្វាន់ដូ-WT តេក្វាន់ដូ-ITF ប៊ូល និងប៉េតង់ គុនល្បុក្កតោ ហែលទឹក និងការ៉ាតេ ៕ ប្រភពអគ្គនាយកដ្ឋានកីឡា
