- 2023-02-06 10:04:13
- កីឡាផ្សេងៗ
ថ្នាក់ដឹកនាំសហព័ន្ធការ៉ាតេ៖ កីឡាករ កីឡាការិនីបន្តខំប្រឹងហ្វឹកហាត់ដើម្បីមុខមាត់ជាតិ
- 2023-02-06 10:04:13
- ចំនួនមតិ 0 | ចំនួនចែករំលែក 0
ថ្នាក់ដឹកនាំសហព័ន្ធការ៉ាតេ៖ កីឡាករ កីឡាការិនីបន្តខំប្រឹងហ្វឹកហាត់ដើម្បីមុខមាត់ជាតិ
ចន្លោះមិនឃើញ
អនុប្រធានសហព័ន្ធកីឡាការ៉ាតេកម្ពុជា បានលើកទឹកចិត្តដល់កីឡាករ កីឡាការិនី យុវជនថ្នាលនានាសូមបន្តប្រឹងប្រែងហ្វឹកហាត់ដើម្បីដណ្ដើមជ័យជម្នះជូនក្លឹប សមាគម និងប្រទេសជាតិពិសេសនៅស៊ីហ្គេម លើកទី៣២។
ឯកឧត្ដម សាមឺឌី ស៊ីវឌ្ឍនា អនុប្រធានសហព័ន្ធបានឲ្យដឹងថា ការប្រកួតជើងឯកថ្នាក់ជាតិ ឆ្នាំ២០២៣ នេះគឺមានភាពផុលផុសខ្លាំង និងបញ្ជាក់ពីការគោរពស្រឡាញ់លើកស្ទួយវិស័យកីឡាការ៉ាតេកម្ពុជា។
អនុប្រធានសហព័ន្ធបានផ្ដាំផ្ញើដល់កីឡាករ កីឡាការិនី យុវជនថ្នាលទាំងអស់ត្រូវបន្តស្វែងយល់បន្ថែមទៀតដើម្បីលើកកម្ពស់បច្ចេកទេសបង្កើនសមត្ថភាពក្នុងការដណ្ដើមជ័យជម្នះ លើកកេរ្តិ៍ឈ្មោះក្លឹប សមាគម និងប្រទេសជាតិ ពិសេសព្រឹត្តិការណ៍ធំៗដូចជាស៊ីហ្គេមនៅកម្ពុជានេះតែម្ដង។
បញ្ជាក់ដែរថា ក្រោយចំណាយពេលប្រកួតយ៉ាងស្វិតស្វាញអស់រយៈពេល ៣ថ្ងៃ សហព័ន្ធកីឡាការ៉ាតេកម្ពុជាបានបិទបញ្ចប់ជើងឯកថ្នាក់ជាតិរបស់ខ្លួនហើយកាលពីថ្ងៃអាទិត្យ ទី៥ ខែកុម្ភៈ ឆ្នាំ២០២៣ នៅសាលនៃសកលវិទ្យាល័យភូមិន្ទភ្នំពេញ៕
