- 2022-12-14 10:50:28
- កីឡាផ្សេងៗ
ថ្នាក់ដឹកនាំថ្មីសហព័ន្ធកីឡាសូហ្វតិនីស្ន ប្ដេជ្ញានាំកិត្យានុភាពទាំងថ្នាក់ជាតិ និងអន្តរជាតិ
- 2022-12-14 10:50:28
- ចំនួនមតិ 0 | ចំនួនចែករំលែក 0
ថ្នាក់ដឹកនាំថ្មីសហព័ន្ធកីឡាសូហ្វតិនីស្ន ប្ដេជ្ញានាំកិត្យានុភាពទាំងថ្នាក់ជាតិ និងអន្តរជាតិ
ចន្លោះមិនឃើញ
ឯកឧត្ដម សរ សិទ្ធិ ដែលទើបជាប់ជាប្រធានសហព័ន្ធសូហ្វតិន្នីស បានបង្ហាញការប្ដេជ្ញាចិត្តខំប្រឹងជំរុញអភិវឌ្ឍន៍ និងនាំកិត្យានុភាពទាំងថ្នាក់ជាតិ និងអន្តរជាតិលើប្រភេទកីឡាមួយនេះ។
ឯកឧត្ដម សរ សិទ្ធិ ថ្លែងអំណរគុណដល់អង្គមហាសន្និបាតដែលបានទុកចិត្ត សម្រេចបោះឆ្នោតឲ្យក្លាយជាប្រធានសហព័ន្ធកីឡាសូហ្វតិន្នីសនៅពេលនេះ។ នេះជាការផ្ដល់ឱកាសមួយដល់ឯកឧត្ដមក៏ដូចជាក្រុមការងារបានចូលរួមលើកស្ទួយវិស័យកីឡាជាតិ។
ជាមួយគ្នានេះដែរប្រធានសហព័ន្ធថ្មីខាងលើនេះបានបង្ហាញពីការប្ដេជ្ញាចិត្តថា នឹងខំប្រឹងប្រែងដឹកនាំសហព័ន្ធឲ្យមានភាពរីកចម្រើន ជាពិសេសការឈានទៅស្វែងរកកិត្យានុភាពបន្ថែមទៀតមិនថាកម្រិតថ្នាក់ជាតិ ឬអន្តរជាតិនោះឡើយ។ ឯកឧត្ដមនឹងកៀរគររកជំនួយ ឬការឧត្ដមនានាដើម្បីជួយដល់សហព័ន្ធមិនថាជាថវិកា សម្ភារហ្វឹកហាត់ជាដើម។
រំលឹកដែរថា សហព័ន្ធកីឡាសូហ្វតិន្នីសកម្ពុជា បានធ្វើមហាសន្និបាតវិសាមញ្ញ កាលពីថ្ងៃទី១៣ ខែធ្នូ ឆ្នាំ២០២២ នៅ NOCC។ ក្នុងសហព័ន្ធបានសម្រេចបោះឆ្នោតជ្រើសតាំងប្រធាន និងសមាសភាពគណៈកម្មាធិការប្រត្តិតថ្មីផងដែរ។ ឯកឧត្ដម សរ សិទ្ធិ ជាប្រធាន ឯកឧត្ដម យិត ភីរៈ អគ្គលេខាធិការ ឧត្ដមសេនីយ៍ទោ អ៊ាន សុភ័ក្រ្ត អគ្គហេរញ្ញិក៕
