• 2022-12-11 04:18:49
  • កីឡា​ផ្សេង​ៗ

សៀក​ ពេជ្រ​ មុន​ប្រកួត​មិន​រំពឹង​ដល់​លេខ១​ តែ​សំណាង​ល្អ​ពេល​ប្រកួត​ម៉ូតូ​អត់​ខូច​

  • 2022-12-11 04:18:49
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់​ជយលាភី​លេខ១​ ផ្នែក​ Endurance ​សៀក​ ពេជ្រ​ និង​ ប៊ុន​ ថេង​ ថា​មិន​រំពឹង​ខ្ពស់​រហូត​ដល់​ឈ្នះ​បាន​លេខ១​ នេះ​ទេ​ ប៉ុន្តែ​ដោយ​សារ​ការ​ខំប្រឹង​ ការ​សហការ​គ្នា​ល្អ​ និង​ម៉ូតូ​អត់​ខូច​ទៀត​នោះ​ទើប​ទទួល​បាន​ចំណាត់ថ្នាក់​ល្អ​បែប​នេះ។​

សៀក​ ពេជ្រ​ និង​ ប៊ុន ថេង​

ក្រោយ​ទទួល​ពាន​រង្វាន់​លេខ១​ សៀក​ ពេជ្រ​ និង​ ប៊ុន ថេង​ បាន​ឲ្យ​ដឹង​ថា​ ចំពោះ​ការ​ប្រកួត​នេះ​គឺ​មាន​កីឡាករ​ខ្លាំង​ៗ​ច្រើន​ ចំណែក​ការ​ជិះ​ប្រកួត​ក៏​ច្រើន​ជុំ​ និង​យូរ​ផង​ដែរ។​ ហេតុ​នេះ​ហើយ​ទើប​មុន​ការ​ប្រកួត​ខ្លួន​មិន​សូវ​សង្ឃឹម​ឈាន​ដល់​ការ​ឈ្នះ​លេខ១​ នោះ​ទេ។​

ម្ចាស់​ជយលាភី​លេខ១​ រូប​នេះ​បន្ថែម​ទៀត​ថា​ ដោយ​សារ​តែ​ការ​សហការ​គ្នា​ ការ​យល់ចិត្ត​ ពិសេស​ការ​ឲ្យ​សញ្ញា​ទៅ​គ្នា​ទៅ​វិញ​ទៅ​មក​ និង​ក្រុម​បច្ចេកទេស​បាន​រៀបចំ​បាន​ល្អ​ហើយ​រហ័ស​នាំ​ឲ្យ​ក្រុម​ទាំង​មូល​អាច​ដណ្ដើម​បាន​លេខ១​ លើ​ផ្នែក​ Endurance ​នេះ។​

ទិដ្ឋភាពប្រគល់ពាន

បញ្ជាក់​ដែរ​ថា​ ព្រឹត្តិការណ៍​ប្រណាំង​ម៉ូតូ​លើ​វាលរាប​ ឬ​ ELF CUP RACE ENDURANCE​ ម្សិលមិញ​នេះ​បាន​បញ្ចប់​ការ​ប្រកួត​ថ្ងៃ​ទី១​ របស់​ខ្លួន​ហើយ​ក្នុង​នោះ​ម្ចាស់​ពាន​រង្វាន់​លេខ១​ បាន​លើ​កីឡាករ​ សៀក​ ពេជ្រ​ និង​ ប៊ុន ថេង​ មក​ពី​ក្រុម​ PT Racing Team។​ ដោយ​ឡែក​សម្រាប់​ថ្ងៃ​ទី២​ នេះ​គឺ​កំពុង​ដំណើរ​ការ​ប្រកួត​បន្ត​ទៀត​ដើម្បី​ស្វែង​រក​ម្ចាស់​ពាន​រង្វាន់​ប្រភេទ​ Class​​ ផ្សេងៗ​ទៀត៕​

វិដេអូ៖

អត្ថបទ៖ នួន ស៊ីណា​

មតិយោបល់