- 2022-11-28 10:05:55
- កីឡាផ្សេងៗ
វង្ស គីមហួត៖ Asia Cross Country Rally ធ្វើឲ្យយើងទទួលបានបទពិសោធន៍ថ្មីៗ
- 2022-11-28 10:05:55
- ចំនួនមតិ 0 | ចំនួនចែករំលែក 0
វង្ស គីមហួត៖ Asia Cross Country Rally ធ្វើឲ្យយើងទទួលបានបទពិសោធន៍ថ្មីៗ
ចន្លោះមិនឃើញ
កីឡាករ វង្ស គីមហួត ថាព្រឹត្តិការណ៍ប្រណាំងរថយន្តឆ្លងកាត់ឧបសគ្គ Asia Cross Country Rally 2022 នេះបានផ្ដល់បទពិសោធថ្មីៗ និងបង្កើនសមត្ថភាពបន្ថែមដល់ក្រុមកីឡាករ កីឡាការិនីកម្ពុជា។
វង្ស គីមហួត បានឲ្យដឹងថា ព្រឹត្តិការណ៍កម្រិតអន្តរជាតិ Asia Cross Country Rally គឺពិតជាល្អ និងផ្ដល់ប្រយោជន៍ច្រើនបន្ទាប់ពីបានចូលរួមការប្រកួតមួយនេះ។ ចម្ងាយផ្លូវ ១៧០០គីឡូម៉ែត្រលើទឹកដីថៃ ៥ដំណាក់កាល និង ១ដំណាក់កាលដែលបញ្ចប់នៅមុខប្រាសាទអង្គរវត្តនេះគឺបានបង្រៀន និងបង្កើនសមត្ថភាពច្រើនតែម្ដង។
កីឡាករស្រឡាញ់ផ្នែក Off Road រូបបន្ថែមទៀតថា បណ្ដាកីឡាករអន្តរជាតិនៃប្រទេសចូលរួមជាច្រើនបានសរសើរ និងពេញចិត្តចំពោះដំណាក់កាលចុងក្រោយនៅកម្ពុជា ទោះចម្ងាយផ្លូវខ្លីពិតមែន ប៉ុន្តែឧបសគ្គ និងភាពស្វិតស្វាញមានច្រើនគួរជាទីទាក់ទាញបំផុត។
បញ្ជាក់ថា ព្រឹត្តការណ៍ប្រណាំងរថយន្តឆ្លងកាត់ឧបសគ្គ Asia Cross Country Rally 2022 មាន ៩ប្រទេសចូលរួមគឺមាន កម្ពុជា ឥណ្ឌូណេស៊ី ម៉ាឡេស៊ី វៀតណាម តៃវ៉ាន់ ជប៉ុន កូរ៉េ បារាំង និងប្រទេសថៃ។ លទ្ធផលក្រុមប្រណាំងការ៉ាកម្ពុជា ទទួលបានចំណាត់លេខ១ លើប្រភេទរថយន្តសាំង និងលទ្ធផលរថយន្តសរុបទាំងសាំង និងម៉ាស៊ូត ក្រុមការ៉ា លេខ១១ ក្រុមសាយ៉ាម ប្រូតូថាយ លេខ១២ ក្នុងចំណោរថយន្តសរុប៣៤គ្រឿង៕
