/63353e17cd183_1664433660_medium.jpg)
- 2022-09-29 06:46:48
- កីឡាផ្សេងៗ
កម្ពុជាត្រៀមរួចហើយជាម្ចាស់ផ្ទះកិច្ចប្រជុំមហាសន្និបាតក្រុមប្រឹក្សាកីឡាអូឡាំពិកអាស៊ី
- 2022-09-29 06:46:48
- ចំនួនមតិ 0 | ចំនួនចែករំលែក 0
កម្ពុជាត្រៀមរួចហើយជាម្ចាស់ផ្ទះកិច្ចប្រជុំមហាសន្និបាតក្រុមប្រឹក្សាកីឡាអូឡាំពិកអាស៊ី
ចន្លោះមិនឃើញ
ក្រោយបញ្ចប់កិច្ចប្រជុំពាក់ព័ន្ធអំពីការត្រៀមខ្លួន និងចាត់ចែងការងារសំខាន់ៗរួចរាល់នាព្រឹកមិញនេះនៅសណ្ឋាគារសុខា ឯកឧត្ដម វ៉ាត់ ចំរើន បញ្ជាក់ថាប្រទេសកម្ពុជាបានរៀបរយហើយចំពោះការធ្វើម្ចាស់ផ្ទះ មហាសន្និបាតក្រុមប្រឹក្សាអូឡាំពិកអាស៊ី លើកទី៤១ ដើមខែតុលា ២០២២ នេះ។
ឯកឧត្ដម វ៉ាត់ ចំរើន អគ្គលេខាធិការ CAMSOC និង NOCC បានឲ្យដឹងថា ព្រឹកមិញនេះគឺជាការប្រជុំពិភាក្សាលើកចុងក្រោយនៃការត្រៀមខ្លួនធ្វើជាម្ចាស់ផ្ទះ មហាសន្និបាតក្រុមប្រឹក្សាអូឡាំពិកអាស៊ី លើកទី៤១ នៅថ្ងៃទី១ ដល់ ៥ ខែតុលា ឆ្នាំ ២០២២ នេះ។
អ្នកជំនាញខាងលើនេះបន្ថែមទៀតថា កិច្ចការសំខាន់ៗដូចជាបដិសណ្ឋាកិច្ចពីប្រលានយន្តហោះអន្តរជាតិ ការដឹកជញ្ជូន ការហូបចុក សន្តិសុខ និងគម្រោងកម្សាន្តផ្សេងៗក្រោយប្រជុំចប់នោះគឺបានបែងចែករួចរាល់ហើយ។ គ្រប់ផ្នែកគឺមានការទទួលខុសត្រូវខ្ពស់ និងប្រុងប្រយ័ត្នបំផុត ព្រោះប្រតិភូសំខាន់ៗជាង ៥០ប្រទេសនឹងមកចូលរួមកិច្ចប្រជុំនេះ។
បញ្ជាក់ដែរថា កម្ពុជានឹងធ្វើជាម្ចាស់ផ្ទះកម្មវិធី មហាសន្និបាតក្រុមប្រឹក្សាអូឡាំពិកអាស៊ី លើកទី៤១ នៅចន្លោះពីថ្ងៃទី១ ដល់ ៥ ខែតុលា ឆ្នាំ២០២២ នេះ។ កិច្ចប្រជុំនេះនឹងមានប្រទេសជាង ៤០ នៅអាស៊ី និងប្រហែល ១០ ទៀតមកប្រជុំ និងសង្កេតការណ៍៕
