- 2022-09-05 02:57:57
- កីឡាផ្សេងៗ
ចាក់ដោតណាស់! លើកទី១ក្នុងជីវិតជាអ្នកកីឡាបានឮភ្លេងជាតិ និងទង់ជាតិកម្ពុជានៅលើគេនៅអាងហែល
- 2022-09-05 02:57:57
- ចំនួនមតិ 0 | ចំនួនចែករំលែក 0
ចាក់ដោតណាស់! លើកទី១ក្នុងជីវិតជាអ្នកកីឡាបានឮភ្លេងជាតិ និងទង់ជាតិកម្ពុជានៅលើគេនៅអាងហែល
ចន្លោះមិនឃើញ
លោក ហែម គីរី បានបង្ហោះវីដេអូ និងសារក្នុងចិត្តថា «លើកទី១ក្នុងជីវិតជាអ្នកកីឡាបានលឺភ្លេងជាតិ និងទង់ជាតិកម្ពុជានៅលើគេនៅអាងហែល» បន្ទាប់ពីកម្ពុជាឈ្នះមេដាយ ៤គ្រឿងនៃព្រឹត្តិការណ៍ Finswimming’s World Cup Round Swimming Pool 2022 ឯប្រទេសថៃ។
ក្នុងអត្ថន័យនៃការលើកឡើងនេះលោក ហែម គីរី ដែលជាអគ្គលេខាធិការសហព័ន្ធបង្ហាញពីក្ដីរំភើបមិនធ្លាប់មានពីមុនមកដែលកម្ពុជាតស៊ូ ខំប្រឹងឥតឈប់ឈរឥលូវនេះទទួលបានផ្លែផ្កាគួរជាទីគាប់ចិត្តហើយ។ ព្រោះនៅនេះពេលនេះក្រុមហែលទឹកកម្ពុជាអាចឈ្នះមេដាយមាសកម្រិតអន្តរជាតិ និងរំភើបបំផុតនោះគឺសំឡេងភ្លេងជាតិ រួមទាំងការបង្ហូតទង់ជាតិកម្ពុជាក្នុងពិធីតែម្ដង។
សហព័ន្ធហែលទឹកគឺមានការអភិវឌ្ឍន៍ខ្លាំងទាំងហេដ្ឋារចនាសម្ព័ន្ធ រួមនិងការហ្វឹកហាត់បន្ទាប់ពីការចូលកាន់តំណែងជាប្រធានសហព័ន្ធរបស់ឯកឧត្ដម ស៊ុន ចាន់ថុល។ អាងទឹកតម្លៃរាប់លានដុល្លារជាច្រើនបានលេចឡើងជាបន្តបន្ទាប់នាពេលប៉ុន្មានឆ្នាំនេះ។
បញ្ជាក់ដែរថា ព្រឹត្តិការណ៍ Finswimming’s World Cup Round Swimming Pool 2022 ឯប្រទេសថៃ នេះគឺកម្ពុជាបានឈ្នះមេដាយមាស ៣គ្រឿង សំរឹទ្ធ១គ្រឿង។ កម្ពុជាឈរចំណាត់ថ្នាក់លេខ៥ ក្នុងចំណោម ១៦ប្រទេសចូលរួម។ ការប្រកួតនេះគឺបញ្ចប់ទៅហើយកាលពីម្សិលមិញនេះខណៈក្រុមកម្ពុជានឹងមកដល់មាតុប្រទេសវិញចន្លោះម៉ោង៣រសៀលនេះ៕
វីដេអូពិធីបំពាក់មេដាយមាស
