- 2022-08-10 04:10:30
- កីឡាផ្សេងៗ
CAMSOC កិច្ចប្រជុំម្សិលមិញទទួលបានដំណឹងល្អ និងផែនការច្បាស់លាស់ចំពោះរឿងស្នាក់នៅ និងពិធីរត់ភ្លើង
- 2022-08-10 04:10:30
- ចំនួនមតិ 0 | ចំនួនចែករំលែក 0
CAMSOC កិច្ចប្រជុំម្សិលមិញទទួលបានដំណឹងល្អ និងផែនការច្បាស់លាស់ចំពោះរឿងស្នាក់នៅ និងពិធីរត់ភ្លើង
ចន្លោះមិនឃើញ
ម្សិលមិញនេះគណៈកម្មការជាតិរៀបចំព្រឹត្តិការណ៍កីឡាអាស៊ីអាគ្នេយ៍ លើកទី៣២ (CAMSOC) បានបើកកិច្ចប្រជុំជាមួយគណៈកម្មការហូបចុក ស្នាក់នៅ និងពិធីរត់ភ្លើងគប់ គឺទទួលបានដំណឹងល្អច្រើនអំពីផែនការការងាររៀងៗខ្លួនមានភាពរឹតតែច្បាស់លាស់។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងថា អ្វីដែលជាកង្វល់នាពេលកន្លង់ទៅឥលូវនេះគឺបានធូរស្រាលហើយចំពោះគណៈកម្មការស្នាក់នៅ ហូបចុក និងដឹកជញ្ជូនតាមរយៈកិច្ចប្រជុំម្សិលមិញនេះ។ ចំណុចដែលអស់កង្វល់នោះទី១ ផែនការ A ដែលបានដាក់នេះត្រូវបានយកមកអនុវត្តន៍ ដូចជានៅពេលនេះតម្រូវការគ្រែ ៥០០០ សម្រាប់អត្តពលិកនៅស៊ីហ្គេម មានគ្រប់គ្រាន់ហើយ។
ចំណុចទី២ ចំពោះការរត់ភ្លើងគប់ក៏មានភាពជាក់លាក់ផងដែរ ទាំងពេលវេលា និងសកម្មភាពពីប្រទេសមួយទៅប្រទេសមួយ ពីចំណុចនានានៅកម្ពុជាក៏បានបង្ហាញឡើងដូចគ្នា។ ទាំងនេះហើយបានធ្វើឲ្យ CAMSOC អស់កង្វល់អ្វីដែលព្រួយបារម្ភនៅពេលកន្លងទៅនេះ។
រំលឹកដែរថា ម្សិលមិញនេះ CAMSOC បានបើកកិច្ចប្រជុំប្រចាំសប្ដាហ៍របស់ខ្លួននៅ NOCC ជាមួយគណៈកម្មការស្នាក់នៅ ហូបចុក និងដឹកជញ្ជូន។ កម្ពុជា នឹងធ្វើជាម្ចាស់ផ្ទះនៅស៊ីហ្គេម លើកទី៣២ ឆ្នាំ២០២៣ ដែលនេះជាលើកដំបូងផងដែរ៕