- 2022-08-03 08:22:26
- កីឡាផ្សេងៗ
ឈ្នះមេដាយ៣៣គ្រឿងធ្វើឲ្យកីឡានគរបាលកម្ពុជាឈរលេខ១៥ ក្នុងព្រឹត្តិការណ៍កីឡានគរបាលពិភពលោកលើកទី១៩
- 2022-08-03 08:22:26
- ចំនួនមតិ 0 | ចំនួនចែករំលែក 0
ឈ្នះមេដាយ៣៣គ្រឿងធ្វើឲ្យកីឡានគរបាលកម្ពុជាឈរលេខ១៥ ក្នុងព្រឹត្តិការណ៍កីឡានគរបាលពិភពលោកលើកទី១៩
ចន្លោះមិនឃើញ
ព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោកលើកទី១៩ ធ្វើឡើងប្រទេសហូឡង់ដែលទើបបញ្ចប់ទៅនេះគឺកម្ពុជាឈ្នះមេដាយសរុប ៣៣គ្រឿង និងឈរក្នុងចំណាត់ថ្នាក់លេខ១៥ ចំណោម ៧០ប្រទេសចូលរួម។
ជ័យជម្នះយ៉ាងត្រចៈត្រចង់មេដាយសរុប៣៣គ្រឿងនេះគឺឈ្នះលើប្រភេទកីឡា ជូជឺតស៊ូ មាស១ ប្រាក់៣ សំរឹទ្ធ១ ចំបាប់ ឈ្នះមាស៣ ប្រាក់១ សំរឹទ្ធ២ យូដូ សំរឹទ្ធ៣ វាយកូនឃ្លីលើតុ សំរឹទ្ធ១ ការ៉ាតេ មាស១ ប្រាក់២ សំរឹទ្ធ២ វាយសី ប្រាក់១ សំរឺទ្ធ១ តេក្វាន់ដូ WT មាស៣ ចំបាប់កាច់ដៃ មាស៦ ប្រាក់១ លើកទម្ងន់ មាស១។
ម្សិលមិញនេះដែរអត្តពលិកនគរបាលកម្ពុជា និងប្រតិភូបានមកដល់ប្រទេសកម្ពុជាវិញហើយ ខណៈមានការទទួលយ៉ាងកក់ក្ដៅ និងពិធីដង្ហែយ៉ាងអធិកអធមពីថ្នាក់ដឹកនាំ។ ជាមួយគ្នានេះដែរសម្ដេចក្រឡាហោម ស ខេង និងឯកឧត្ដម នេត សាវឿន បានបង្ហោះអបអរសាទរ និងលើកទឹកចិត្តលើបណ្ដាញសង្គមផងដែរ។
រំលឹកដែរថា ព្រឹត្តិការណ៍កីឡានគរបាល និងកងពន្លត់អគ្គិភ័យពិភពលោកលើកទី១៩ ដែលធ្វើឡើងនៅប្រទេសហូឡង់ នេះគឺចាប់ពីថ្ងៃទី២២ ដល់ ៣១ ខែកក្កដា ឆ្នាំ២០២២៕
