- 2022-08-02 06:06:08
- កីឡាផ្សេងៗ
ប្រធានសហព័ន្ធហែលទឹក៖ ជំរុញលើកទឹកចិត្តអាណត្តិថ្មីត្រូវរកមេដាយមាសឲ្យបាន៣
- 2022-08-02 06:06:08
- ចំនួនមតិ 0 | ចំនួនចែករំលែក 0
ប្រធានសហព័ន្ធហែលទឹក៖ ជំរុញលើកទឹកចិត្តអាណត្តិថ្មីត្រូវរកមេដាយមាសឲ្យបាន៣
ចន្លោះមិនឃើញ
ប្រធានសហព័ន្ធខ្មែរកីឡាហែលទឹក ក្នុងអាណត្តិថ្មី ២០២១-២០២៥ កីឡាការិនី កីឡាការិនីទាំងអស់ត្រូវប្រឹងប្រែងរកមេដាយមាសឲ្យបាន ៣គ្រឿង ដូច្នេះមន្ត្រីទាំងអស់ត្រូវលើកទឹកចិត្ត រៀបចំយុទ្ធសាស្ត្រដើម្បីឆ្ពោះទៅសម្រេចផែនការ។
លោក ហែល គិរី អគ្គលេខាធិការសហព័ន្ធបានឲ្យដឹងថា សម្រាប់អាណត្តិទី៧ ឆ្នាំ២០២១-២០២៥ នេះប្រធានសហព័ន្ធឯកឧត្ដម ស៊ុន ចាន់ថុល បានដាក់ផែនការត្រូវស្វែងរកមេដាយមាសឲ្យបាន៣ក្នុងព្រឹត្តិការណ៍សំខាន់ៗខាងមុខនេះ។
ដូច្នេះក្នុងនាមមន្ត្រីសហព័ន្ធ លោកគ្រូ អ្នកគ្រូបង្វឹកទាំងអស់បានរៀបចំផែនការយុទ្ធសាស្ត្រផ្សេងៗរួមមានការជំរុញលើការចេញទៅហ្វឹកហាត់នៅក្រៅប្រទេស ជំរុញលើការចូលរួមប្រកួតឲ្យបានច្រើនតាមដែលអាចធ្វើទៅបាន។ ការចូលរួមប្រកួតបានច្រើននឹងធ្វើឲ្យកីឡាករ កីឡាការិនីមានបទពិសោធកាន់តែល្អ ឡើងពីមួយកម្រិតទៅមួយកម្រិត ទាំងនេះធ្វើឲ្យការឈានទៅរកជោគជ័យតាមផែនការកាន់តែខ្ពស់។
រំលឹកដែរថា សហព័ន្ធខ្មែរកីឡាហែលទឹក អាណត្តិថ្មីទី៧ ឆ្នាំ២០២១-២០២៥ នេះគឺឯកឧត្ដម ស៊ុន ចាន់ថុល ជាប់ជាប្រធានដដែល។ ក្រោមការដឹកនាំរបស់ឯកឧត្ដមគឺសហព័ន្ធទទួលបានសមិតិផលបានច្រើនដូចជាអាងទឹកថ្មីៗតាមបណ្ដាខេត្ត រួមទាំងការជួសជុលអាងទឹកអូឡាំពិកផងដែរ។ ក្រៅពីនេះសហព័ន្ធក៏បំបែកកំណាត់ត្រាឈ្នះមេដាយអន្តរជាតិនៅស៊ីហ្គេម វៀតណាម ដែលនេះជាការខកខានរាប់ឆ្នាំទៅហើយចំពោះសហព័ន្ធហែលទឹក៕
