- 2022-07-12 06:22:38
- កីឡាផ្សេងៗ
សហព័ន្ធតេក្វាន់ដូ WT បើកក្លឹបថ្មីនៅវិទ្យាល័យសេរីភាពក្រុងតាខ្មៅ បំផុសការហ្វឹកហាត់ឲ្យកាន់តែខ្លាំង
- 2022-07-12 06:22:38
- ចំនួនមតិ 0 | ចំនួនចែករំលែក 0
សហព័ន្ធតេក្វាន់ដូ WT បើកក្លឹបថ្មីនៅវិទ្យាល័យសេរីភាពក្រុងតាខ្មៅ បំផុសការហ្វឹកហាត់ឲ្យកាន់តែខ្លាំង
ចន្លោះមិនឃើញ
សហព័ន្ធកីឡាតេក្វាន់ដូ WT បានពង្រីកផ្សព្វផ្សាយបន្ថែមតាមរយៈការបង្កើតក្លឹបថ្មីមួយទៀតហើយនៅវិទ្យាល័យសេរីភាព ក្រុងតាខ្មៅ ក្នុងគោលបំណងបំផុសដល់សិស្សានុសិស្សទីនោះបានហ្វឹកហាត់កីឡាក្បាច់គុនមួយនេះ។
អគ្គលេខាធិការសហព័ន្ធលោក ជ្រិន សុធា បានឲ្យដឹងថា ស្របតាមអនុសាសន៍របស់ប្រធានសហព័ន្ធឯកឧត្តម ហង់ ជួនណារ៉ុន គឺធ្វើយ៉ាងណាត្រូវពង្រីកក៏ដូចជាបង្កើនក្លឹបឲ្យបានច្រើនមិនថាទីក្រុង ឬជនបទនោះទេ។ ដូច្នេះហើយសហព័ន្ធតែងតែជំរុញ និងបង្កើនក្លឹបហ្វឹកហាត់ជាបន្តបន្ទាប់កន្លងមក។
លោក ជ្រិន សុធា បន្ថែមទៀតថា ការបង្កើតក្លឹបនៅវិទ្យាល័យសេរីភាពនេះគឺនឹងជំរុញដល់សិស្សានុសិស្សបានចូលហ្វឹកហាត់ និងយល់ដឹងបន្ថែមអំពីក្បាច់គុនមួយនេះ។ ការហ្វឹកហាត់តេក្វាន់ដូនេះគឺមានសារប្រយោជន៍ច្រើនដល់សុខភាពផ្លូវចិត្ត សុខភាពផ្លូវកាយ និងមានរាងកាយរឹងមាំ រហ័សរហួនទៀតផង ដូច្នេះវាផ្ដល់គុណសម្បត្តិច្រើនពិសេសយុវជនតែម្ដង។
រំលឹកដែរថា ក្លឹបតេក្វាន់ដូ WT ថ្មីដែលទើបបង្កើតនេះគឺនៅក្នុងវិទ្យាល័យសេរីភាពផ្ទាល់តែម្ដង។ ពិធីបើកជាផ្លូវការនេះគឺធ្វើឡើងកាលពីព្រឹកថ្ងៃទី១០ ខែកក្កដា ឆ្នាំ២០២២៕
