សហព័ន្ធកីឡាវាយកូនគោល បូកសរុបការងារ និងរៀបយុទ្ធសាស្ត្រតៀមស៊ីហ្គេម ២០២៣

2022-06-22 07:09:27
កីឡាផ្សេងៗ

2022-06-22 07:09:27
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាវាយកូនគោក ព្រឹកមិញនេះបានធ្វើសន្និបាតបូកសរុបការងារ ២០២០-២០២១ និងលើកទិសដៅ យុទ្ធសាស្ត្រត្រៀមឆ្ពោះទៅស៊ីហ្គេម ២០២៣ ដែលកម្ពុជាធ្វើជាម្ចាស់ផ្ទះ។

រូបភាព CAMSOC

ឯកឧត្ដម ជា បូរ៉ា អគ្គលេខាធិការសហព័ន្ធបានឲ្យដឹងថា កន្លងទៅដោយសារតែបញ្ហាកូវីដគឺមានការខកខានប្រជុំ និងរៀបចំកម្មវិធីសន្និបាតបូកសរុបការងារដែលត្រូវបន្លាយពេលមកដល់ពេលនេះ។ យ៉ាងណាការងារមួយចំនួនក៏បន្តធ្វើតាមរយៈ Online ដែរ។

តំណាងសហព័ន្ធរូបនេះបន្ថែមទៀតថា ព្រឹកមិញនេះគឺបានទទួលមតិយោបល់ល្អៗច្រើនពីសំណាក់ក្រសួងអប់រំ យុវជន និងកីឡា ពីគណៈកម្មាធិការជាតិអូឡាំពិកកម្ពុជា (NOCC) ដើម្បីរកវិធីសាស្ត្រផ្សេងៗឲ្យកីឡាករមានភាពរីកចម្រើនបច្ចេកទេសជាដើម។ មួយវិញទៀតក៏មានការបង្ហាញផ្លូវទាក់ទងទៅនិងការយកកីឡាករមួយជាប្រចាំទីលានដើម្បីបានមើលថែដិតដល់ និងបង្កើតជាកម្មវិធីប្រកួតនានា។

ឯកឧត្ដម ជា បូរ៉ា

សហព័ន្ធកំពុងរៀបចំយុទ្ធសាស្ត្រនៅពេលកម្ពុជាធ្វើជាម្ចាស់ផ្ទះ ដូចជារកអ្នកនៅក្រៅស្រុកដែលមានឈាមជ័រខ្មែរដើម្បីប្រកួតតំណាងប្រទេស និងធ្វើយ៉ាងណាឲ្យកីឡាករអាចឈានដល់កម្រិតមេដាយនៅឆ្នាំ២០២៣ ខាងមុខនេះ។

ឯកឧត្ដម វ៉ាត់ ចំរើន

បញ្ជាក់ដែរថា សន្និបាតបូកសរុបការងារ និងលើកទិសដៅឆ្នាំថ្មីរបស់សហព័ន្ធកីឡាវាយកូនគោលគឺធ្វើឡើងនៅព្រឹកមិញក្នុងទីស្នាក់ការគណៈកម្មាធិការជាតិអូឡាំពិកកម្ពុជា (NOCC)។ ក្នុងកិច្ចប្រជុំនេះមានតំណាងសហព័ន្ធឯកឧត្ដម ជា បូរ៉ា សមាជិក គ្រូៗ កីឡា ចំណែកក្រសួងអប់រំមានឯកឧត្ដម អ៊ុក សិទ្ធិជាតិ រីឯ NOCC មានឯកឧត្ដម វ៉ាត់ ចំរើន៕

អត្ថបទ៖ នួន ស៊ីណា