- 2022-05-04 07:48:16
- កីឡាផ្សេងៗ
សហព័ន្ធខ្មែរអត្តពលកម្ម៖ កម្មវិធីប្រកួតសិស្សបឋមគឺបណ្ដុះឲ្យក្មេងៗចាប់ផ្ដើមពីដើមទៅ
- 2022-05-04 07:48:16
- ចំនួនមតិ 0 | ចំនួនចែករំលែក 0
សហព័ន្ធខ្មែរអត្តពលកម្ម៖ កម្មវិធីប្រកួតសិស្សបឋមគឺបណ្ដុះឲ្យក្មេងៗចាប់ផ្ដើមពីដើមទៅ
ចន្លោះមិនឃើញ
ប្រធានសហព័ន្ធខ្មែរអត្តពលកម្មស្ម័គ្រចិត្ត ថាការប្រកួតអត្តពលកម្មសិស្សបឋមសិក្សាដែលកំពុងធ្វើឡើងនេះគឺជាការល្អបណ្ដុះឲ្យពួកគេស្រឡាញ់ និងចាប់ផ្ដើមពីដំបូងៗទៅតែម្ដង។
ឯកឧត្ដម សំហេង បុរស បានឲ្យដឹងថា មានចិត្តសប្បាយរីករាយដែលក្រសួងអប់រំយុវជន និងកីឡា បើកឲ្យមានការប្រកួតសិស្សបឋមសិក្សានេះឡើងវិញក្រោយផ្អាកសកម្មភាពកីឡាផ្សេងៗរយៈពេល២ឆ្នាំនេះដោយសារកូវីដ។
ការប្រកួតនេះគឺល្អណាស់ចំពោះការពង្រីកផ្សព្វផ្សាយជាពិសេសលើប្រភេទកីឡាអត្តពលកម្មនេះតែម្ដង។ វាជាការបើកផ្លូវឲ្យពួកគេបានចាប់ផ្ដើមស្រឡាញ់ចូលចិត្ត និងហាត់លេងតាំងតែពីតូចៗ ឬដំបូងបែបនេះ។ សហព័ន្ធនឹងព្យាយាមផ្សព្វផ្សាយ និងជំរុញការប្រកួតនានាបន្ថែមនៅតាមបណ្ដាខេត្តបន្តបន្ទាប់ទៀត។
រំលឹកដែរថា ការប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២២ ចាប់ផ្ដើមពីថ្ងៃទី២៩ មេសា ដល់ ៨ ខែឧសភា នៅរាជធានីភ្នំពេញ។ ការប្រកួតគឺលេងលើ៨ប្រភេទកីឡារួមមាន បាល់ទាត់ បាល់ទះ បាល់បោះ អត្តពលកម្ម វាយសី វាយកូនឃ្លីលើតុ តេក្វាន់ដូ WT និងតេក្វាន់ដូ IFT ស្មើនឹង ៣៤វិញ្ញាសា សរុប ៤២៩មេដាយ ដែលមានប្រតិភូ គ្រូបង្វឹក កីឡាករ កីឡាការិនីចូលរួមប្រកួតសរុប ១,៦៧៧នាក់ មកពី២៥រាជធានី-ខេត្ត៕
