ព្រឹត្តិការណ៍ប្រណាំងកង់ភ្នំ WURKZ MOUNTAIN BIKE SERIES រដូវកាល២០២២មកដល់ហើយ

2022-04-20 03:36:04
កីឡាផ្សេងៗ

2022-04-20 03:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីទទួលបានជោគជ័យ និងការគាំទ្រយ៉ាងធំធេងពីអ្នកចូលរួមជិះកង់ក្នុងឆ្នាំ២០២១ ព្រឹត្តិការណ៍ប្រណាំងកង់ភ្នំ WURKZ MOUNTAIN BIKE SERIES នឹងត្រឡប់មកវិញជាថ្មីម្តងទៀតក្នុងខែឧសភា ខាងមុខនេះជាមួយកម្មវិធីប្លែកៗ និងការពង្រីកទីតាំងប្រណាំងបន្ថែមទៀតដើម្បីផ្តល់ភាពរីករាយដល់អ្នកស្នេហាកីឡាជិះកង់ភ្នំនៅកម្ពុជា។

ភេសជ្ជៈប៉ូវកម្លាំង វើក WURKZ បាន និងកំពុងសហការជាមួយសហព័ន្ធខ្មែរកីឡាទោចក្រយាន និងអ្នករៀបចំកម្មវិធី Flying Bike 2 ដើម្បីឧបត្ថម្ភផ្តាច់មុខនាំយកការប្រណាំងកង់ភ្នំរដូវកាល២០២២កាន់តែធំ និងកាន់តែអស្ចារ្យ។

WURKZ MOUNTAIN BIKE SERIES គឺជាការប្រណាំងកង់ភ្នំបែងចែកជា ១៣ ប្រភេទផ្សេងគ្នាដើម្បីផ្តល់ឱកាសដល់អ្នកជិះកង់ជំនាញ និងអ្នកដែលមានបទពិសោធតិចតួចអាចប្រណាំងជាមួយគូប្រជែងក្នុងកម្រិតដូចគ្នាមិនថាក្មេងចាស់, ប្រុស, ស្រី,នោះទេដែលការប្រកួតគឺធ្វើឡើងជាច្រើនជុំផ្សេងគ្នានៅតាមបណ្តាខេត្តនានា។

សម្រាប់រដូវកាលថ្មី២០២២នេះ នឹងមានការបន្ថែមជុំប្រកួតចំនួន ២ ទៀតសរុបទាំងអស់ចំនួន ៥ជុំដោយជុំទី១ នឹងត្រូវចាប់ផ្តើមនៅថ្ងៃទី១ ខែឧសភា ខាងមុខនេះហើយក្នុងខេត្តកំពត។ ដើម្បីចូលរួមជុំទី១លោកអ្នកអាចធ្វើការចុះឈ្មោះចាប់ពីពេលនេះតទៅរហូតដល់ថ្ងៃទី២៧ ខែមេសា តាមរយៈតំណភ្ជាប់ខាងក្រោមនេះ៖ Wurkz Mountain Bike Series 2022

គួរបញ្ជាក់ថា កាលពីឆ្នាំ២០២១កន្លងទៅ WURKZ MOUNTAIN BIKE SERIES ត្រូវបានធ្វើឡើងចំនួន ៣ជុំផ្សេងគ្នារួមមាននៅព្រែកលៀបក្នុងទីក្រុងភ្នំពេញ ភ្នំជាល និងឧទ្យានជាតិគិរីរម្យក្នុងខេត្តកំពង់ស្ពឺដោយទទួលបានអ្នកចូលរួមជាច្រើនពាន់នាក់។

សូមតាមដានទំព័រហ៊្វេសប៊ុក ភេសជ្ជៈប៉ូវកម្លាំង វើក WURKZ ដើម្បីទទួលបានព័ត៌មានថ្មីៗអំពីព្រឹត្តិការណ៍ប្រណាំងកង់ភ្នំដ៏ធំអស្ចារ្យមួយនេះ Page Facebook

WURKZ MOUNTAIN BIKE SERIES ប្រណាំងពោរពេញដោយថាមពល!