- 2022-02-21 05:24:05
- កីឡាផ្សេងៗ
ប្រុសស្អាត សត្យា វីលៀម៖ ទទួលស្គាល់ក្រុមលេងមិនសូវល្អមែនវគ្គផ្ដាច់ព្រ័ត្រ អាចមកពីហេតុផលនេះ...
- 2022-02-21 05:24:05
- ចំនួនមតិ 0 | ចំនួនចែករំលែក 0
ប្រុសស្អាត សត្យា វីលៀម៖ ទទួលស្គាល់ក្រុមលេងមិនសូវល្អមែនវគ្គផ្ដាច់ព្រ័ត្រ អាចមកពីហេតុផលនេះ...
ចន្លោះមិនឃើញ
កីឡាករដែលភាគច្រើនគេហៅថាប្រុសស្អាតក្នុងវិស័យបាល់បោះ សត្យា វីលៀម គឺទទួលស្គាល់ក្រុមរបស់ខ្លួនម្សិលមិញនេះគឺលេងមិនសូវបានល្អមែន អាចមកពីការប្រមូលផ្ដុំគ្នាហ្វឹកហាត់បានតិចពេក។
កីឡាករបាល់បោះខាងលើនេះបានឲ្យដឹងថា វគ្គផ្ដាច់ព្រ័ត្រយកេលខ១-២ ជាមួយសៀមរាប ម្សិលមិញគឺក្រុមរបស់ខ្លួនធ្វើមិនសូវបានល្អឡើយ ជាពិសេសការស៊ុតបាល់ពិន័យតែម្ដង ខណៈដៃគូគេល្អស៊ុតពីចម្ងាយគឺអាចរកពិន្ទុបានច្រើន។ ចំពោះការលេងផ្នែកក្នុងគឺបានល្អគួរសម ប៉ុន្តែមិនជាល្អណាស់ណាទេក៏ព្រោះតែក្រុមទាំងមូលប្រមូលផ្ដុំហ្វឹកហាត់បានខ្លីពេក មានកីឡាករខ្លះត្រូវជាប់ប្រមូលផ្ដុំនៅមរតកតេជោ ខ្លះទៀតហាត់ខ្លួនឯងដូច្នេះមិនសូវយល់ចិត្តគ្នាតែម្ដងទៅ។
រំលឹកដែរថា ក្រុមបាល់បោះ ក្រសួងមហាផ្ទៃ A ទទួលបានចំណាក់ថ្នាក់លេខ២ លើវិញ្ញាសា ៣-៣ ជើងឯកថ្នាក់ជាតិ ២០២១ បន្ទាប់ពីចាញ់លើក្រុមសៀមរាប។ សហព័ន្ធកីឡាបាល់បោះបានរៀបចំការប្រកួតជើងឯកថ្នាក់ជាតិ ២០២១ របស់ខ្លួនមានរយៈពេល ៣ថ្ងៃចាប់ពីថ្ងៃទី១៨ ដល់ ២០ កុម្ភៈ ២០២២ នៅវិទ្យាល័យវត្តកោះ។ ចំនួនក្រុមសរុបមាន២៤ ផ្នែកបុរស ១៧ក្រុម និង ៧ក្រុមផ្នែកនារី។ ផ្នែកបុរស លេខ១ ក្រុមខេត្តសៀមរាប លេខ២ ក្រុមក្រសួងមហាផ្ទៃ A និងក្រុមលេខ៣ ក្រសួងមហាផ្ទៃ B។ ផ្នែកនារី លេខ១ ក្រុមសៀមរាប A លេខ២ ក្រុមសៀមរាប B និងលេខ៣ ក្រុមក្រសួងសេដ្ឋកិច្ច និងហិរញ្ញវត្ថុ A៕
