- 2021-12-07 08:26:28
- កីឡាផ្សេងៗ
មិនធម្មតា! ក្រុមទាញព្រ័ត្រខេត្តបាត់ដំបងឈ្នះមេដាយមាស១ ប្រាក់១ ការប្រកួតជើងឯកថ្នាក់ជាតិ
- 2021-12-07 08:26:28
- ចំនួនមតិ 0 | ចំនួនចែករំលែក 0
មិនធម្មតា! ក្រុមទាញព្រ័ត្រខេត្តបាត់ដំបងឈ្នះមេដាយមាស១ ប្រាក់១ ការប្រកួតជើងឯកថ្នាក់ជាតិ
ចន្លោះមិនឃើញ
ក្រុមកីឡាទាញព្រ័ត្រខេត្តបាត់ដំបង ឈ្នះបានមេដាយ២គ្រឿងក្នុងនោះមានមាស១គ្រឿង(នារី៤នាក់) និងប្រាក់១គ្រឿង (បុរស៤នាក់) ក្នុងព្រឹត្តិការណ៍ជ្រើសរើសជើងឯកថ្នាក់ជាតិ ២០២១ ម្សិលមិញនេះ។
លោក នូវ ឬទ្ធី តំណាងកីឡាទាញព្រ័ត្រខេត្តបាត់ដំបងបានឲ្យដឹងថា ពិតជាមានមោទកភាព និងហួសការរំពឹងទុកចំពោះក្រុមនារីដែលបានឈ្នះមេដាយមាសក្នុងព្រឹត្តិការណ៍ជ្រើសរើសថ្នាក់ជាតិ ២០២១ នេះ ខណៈពួកគេជាកីឡាការិនីវ័យក្មេង និងមិនធ្លាប់ឆ្លងកាត់ការប្រកួតនោះទេ។
តំណាងខេត្តបាត់ដំបងខាងលើនេះបន្ថែមទៀតថា ជាការសោកស្ដាយមួយដែរដែលក្រុមផ្នែកបុរសបានត្រឹមជើងឯករង ឬមេដាយប្រាក់។ ការដែលបានឡើងដល់វគ្គផ្ដាច់ព្រ័ត្រនេះក៏ជារឿងអស្ចារ្យផងដែរ ព្រោះកីឡាករមកប្រកួតនេះជាក្រុម B មកជំនួសកីឡាករចាស់ៗ។ ដូច្នេះលទ្ធផលមេដាយប្រាក់ក៏មោកទភាព និងជាការខំប្រឹងប្រែងអស់ពីសមត្ថភាពរបស់ពួកគេផងដែរ។ នៅពេលខាងមុខកម្រិត B នឹងទទួលបានបទពិសោធជាបន្តបន្ទាប់ហើយឈានទៅជំនួសក្រុមចាស់ៗ។
រំលឹកដែរថា សហព័ន្ធកីឡាទាញព្រ័ត្រម្សិលមិញនេះបានបញ្ចប់ការប្រកួតជ្រើសរើសជើងឯកថ្នាក់ជាតិ ២០២១ របស់ខ្លួនហើយនៅឯទីរួមខេត្តកណ្ដាល។ ផ្នែកបុរស ៤នាក់ ទល់ ៤នាក់ លើទម្ងន់ ៣០០គីឡូក្រាម៖ ចំណាត់ថ្នាក់លេខ១ សមាគមកីឡាទាញព្រ័ត្រខេត្តកំពត លេខ២ សមាគមទាញព្រ័ត្រខេត្តបាត់ដំបង និងលេខ៣ សមាគមទាញព្រ័ត្រខេត្តកណ្តាល។ ផ្នែកនារី ៤នាក់ ទល់ ៤នាក់ លើទម្ងន់ ២៥០គីឡូក្រាម៖ ចំណាត់ថ្នាក់លេខ១ សមាគមកីឡាទាញព្រ័ត្រខេត្តបាត់ដំបង លេខ២ សមាគមទាញព្រ័ត្រខេត្តស្វាយរៀង និងលេខ៣ សមាគមទាញព្រ័ត្រខេត្តកំពត៕
