• 2021-11-17 07:44:46
  • កីឡា​ផ្សេង​ៗ

កម្មវិធី​ប្រកួត​ទូកក្ដោង​អន្តរជាតិ​នៅ​កំពង់សោម​ ជា​លើក​ទី១​ដែល​កម្ពុជា​រៀបចំ​

  • 2021-11-17 07:44:46
  • ចំនួនមតិ 0 | ចំនួនចែករំលែក 0

ចន្លោះមិនឃើញ

អគ្គលេខាធិការ​ CAMSOC​ បញ្ជាក់​ថា​ ការ​រៀបចំ​ប្រកួត​ទូកក្ដោង​ជើងឯក​អាស៊ីអាគ្នេយ៍​នៅ​កំពង់សោម​អំឡុង​ខែ​ធ្នូ​ខាង​មុខនេះ ​គឺ​ជា​លើក​ទី១​ហើយ​ដែល​កម្ពុជា​ជា​ម្ចាស់​ផ្ទះ​ ដូច្នេះ​សុំ​ហាជន​ក៏​ដូច​ជា​អ្នក​ម្ចាស់​ខេត្ត​ចូលរួម​ទស្សនា​ និង​គាំទ្រ​ឲ្យ​បាន​ច្រើន។​

ការប្រកួតទូកក្ដោង

ឯកឧត្ដម​ វ៉ាត់​ ចំរើន​ បាន​ឲ្យ​ដឹង​ថា​ ដំណើរ​ការ​រៀបចំ​ព្រឹត្តិការណ៍​ប្រណាំង​ទូកក្ដោង​អន្តរជាតិ​នេះ​គឺ​រលូន​ល្អ​ នៅ​ពេល​នេះ​មាន​២ប្រទេស​ហើយ​ដែល​បាន​ចុះឈ្មោះ​ចូលរួម។​

តំណាង​ CAMSOC​ រូប​នេះ​បន្ថែម​ទៀត​ថា​ ការ​រៀបចំ​លក្ខណៈ​បច្ចេកទេស​គឺ​រួចរាល់​ហើយ​ ដូច​ជា​ការ​ត្រៀម​ទូកក្ដោង​សម្រាប់​ប្រកួត​ ការ​រៀបចំ​ទីលាន​ប្រកួត​ ចង់​ពោង​ និង​កិច្ចការ​មួយ​ចំនួន​ទៀត។​ ចំពោះ​គម្រោង​ថវិកា​ចំណាយ​លើ​ព្រឹត្តិការណ៍​នេះ​នៅ​មិន​ទាន់​អាច​ប៉ាន​ស្មាន​ឡើយ​ ព្រោះ​រង់ចាំ​ចំនួន​អ្នក​ចូលរួម​ឲ្យ​ជាក់លាក់​សិន​ទើប​អាច​កំណត់​បាន។​

រូបភាពរបស់ CAMSOC

ព្រឹត្តិការណ៍​នេះ​ជា​លើក​ទី១​ហើយ​សម្រាប់​កម្ពុជា​ដែល​ធ្វើ​ជា​ម្ចាស់ផ្ទះ​ កន្លង​មក​មិន​ធ្លាប់​រៀបចំ​ឡើយ។​ ដូច្នេះ​ក្នុង​នាម​ជា​អ្នក​ម្ចាស់​ស្រុក​ និង​មហាជន​ទាំង​អស់​សូម​ត្រៀម​ខ្លួន​ទទួល​ស្វាគមន៍​បរទេស​ ចូលរួម​ទស្សនា​ គាំទ្រ​ការ​ប្រកួត​ឲ្យ​បាន​ច្រើន​។​ បញ្ជាក់​ដែរ​ថា​ កម្មវិធី​ប្រកួត​ជ្រើសរើស​ជើងឯក​ទូកក្ដោង​អាស៊ីអាគ្នេយ៍​នេះ​ធ្វើ​ឡើង​នៅ​ថ្ងៃ​ទី១២​ ដល់​ ១៧​ ខែ​ធ្នូ​ ឆ្នាំ​២០២១​ នៅ​ខេត្ត​ព្រះសីហនុ៕​

ឯកឧត្ដម​ វ៉ាត់​ ចំរើន​ ប្រជុំកន្លងទៅ

អត្ថបទ៖ នួន ស៊ីណា​

មតិយោបល់