វៀតណាម៖ សម្រេចចុងក្រោយហើយថានឹងធ្វើស៊ីហ្គេម លើកទី៣១នេះ

2021-10-19 00:00:00
កីឡាផ្សេងៗ

2021-10-19 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសវៀតណាម សម្រេចជាចុងក្រោយហើយ ថាខ្លួននឹងរៀបចំធ្វើការប្រកួតស៊ីហ្គេម លើកទី៣១ នៅពាក់កណ្ដាលខែឧសភា ឆ្នាំ២០២២ ខាងមុខនេះ។

ឯកឧត្ដម វ៉ាត់ ចំរើន

ឯកឧត្ដម វ៉ាត់ ចំរើន អគ្គលេខាធិការ NOCC បានឲ្យដឹងថា គណៈកម្មាធិការជាតិអូឡាំពិកវៀតណាម បានបញ្ជាក់ថា ស៊ីហ្គេម លើកទី៣១ ដែលបានលើកពេលកន្លងទៅនេះនឹងត្រូវធ្វើនៅពាក់កណ្ដាលខែឧសភា ឆ្នាំ២០២២។ យ៉ាងណាខាងវៀតណាមមិនទាន់កំណត់ថ្ងៃឲ្យប្រាកដនោះទេ។

អ្នកជំនាញផ្នែកកីឡារបស់កម្ពុជាខាងលើបន្ថែមថា ចំពោះពេលវេលាច្បាស់លាស់ វៀតណាម នឹងផ្ដល់លិខិតផ្លូវការដល់បណ្ដាប្រទេសសមាជិកក្នុងពេលឆាប់ៗខាងមុខ។

សម្ដីឯកឧត្ដម វ៉ាត់ ចំរើរន «ដោយសារកម្ពុជា នឹងត្រូវធ្វើម្ចាស់ផ្ទះស៊ីហ្គេមដែរ គេនឹងឲ្យកម្ពុជាធ្វើជាសហប្រធានក្រុមប្រឹក្សាសហព័ន្ធកីឡាអាស៊ីអាគ្នេយ៍ នៅក្នុងខែធ្នូ ឆ្នាំ២០២១ ដើម្បីឲ្យកម្ពុជាបានបន្តការងាររបស់ខ្លួន ដោយផ្លូវការ ពេញសិទ្ធ និងពេញលក្ខខ័ណ្ឌ ក្នុងដំណើរឆ្ពោះទៅធ្វើម្ចាស់ផ្ទះជាប្រវត្តិសាស្ត្ររបស់ខ្លួន ឆ្នាំ២០២៣»។

រូបភាព CAMSOC

រំលឹកដែរថា កាលពីខែកញ្ញា ក្រុមប្រឹក្សាកីឡាអាស៊ីអាគ្នេយ៍ បានដាក់ឱសានវាទដល់ប្រទេសវៀតណាម ឲ្យឆ្លើយថារៀបចំ ឬមិនរៀបចំព្រឹត្តិការណ៍ស៊ីហ្គេម លើកទី៣១ នៅខែតុលានេះ។ នៅថ្ងៃទី១៨ តុលា ២០២១ ក្នុងកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ វៀតណាម ក៏បានឆ្លើយតប និងយល់ព្រមប្រារព្ធពិធីនេះផងដែរ៕ អត្ថបទកែសម្រួលពី Cambodia SEA GAMES 2023

អត្ថបទ៖ នួន ស៊ីណា