- 2021-09-13 02:20:36
- កីឡាផ្សេងៗ
សាលី អ៊ូមើត តស៊ូតាំងពីកម្មកររហូតក្លាយជាកីឡាករម៉ូតូទឹកលំដាប់ពិភពលោក
- 2021-09-13 02:20:36
- ចំនួនមតិ 0 | ចំនួនចែករំលែក 0
សាលី អ៊ូមើត តស៊ូតាំងពីកម្មកររហូតក្លាយជាកីឡាករម៉ូតូទឹកលំដាប់ពិភពលោក
ចន្លោះមិនឃើញ
កីឡាករជម្រើសជាតិកម្ពុជា សាលី អ៊ូមើត ថាមុនឈានដល់ថ្ងៃនេះ មានកេរ្តិ៍ឈ្មោះ និងជាកីឡាករលំដាប់ពិភពលោក គឺរូបគេពីមុនត្រឹមជាអ្នកមើលថែ ជូតម៉ូតូទឹកឲ្យគេប៉ុណ្ណោះ។
សាលី អ៊ូមើត បានឲ្យដឹងថា មុនដល់ការទទួលបានជោគជ័យលើវិស័យកីឡាម៉ូតូទឹកនេះគឺមានការតស៊ូខ្លាំងមែនទែននៅឯប្រទេសថៃកន្លងទៅ។ ដំបូងឡើងរូបគេទៅឯប្រទេសថៃ គឺគ្រាន់តែរកប្រាក់ចំណូលប៉ុណ្ណោះដោយធ្វើការជាអ្នកមើលថែ និងជូតសម្អាតម៉ូតូទឹករបស់គេនៅទៅនោះ។
កីឡាករដើមកំណើតមកពីស្រុកមេមត់ខាងលើនេះបន្ថែមទៀតថា ដោយសារតែចិត្តស្រឡាញ់ មានទេពកោសល្យ រួមទាំងឱកាសល្អផងនោះធ្វើឲ្យគេមានឱកាសក្លាយខ្លួនជាកីឡាករផ្នែកនេះ។ ការខំប្រឹងប្រែងតស៊ូហ្វឹកហាត់ អំណត់អត់ធ្មត់ ជម្នះឧបសគ្គផ្សេងៗទើបរូបគេទទួលភាពល្បីល្បាញ និងខ្លាំងលំដាប់ពិភពលោកបែបនេះ។
រំលឹកដែរថា សាលី អ៊ូមើត ជាកីឡាករម៉ូតូទឹកជម្រើសជាតិកម្ពុជា និងធ្លាប់ឈ្នះមេដាយមាស និងមេដាយសំរឹទ្ធ ក្នុងព្រឹត្តិការណ៍កីឡាអាស៊ី ឆ្នាំ២០១៨។ រូបគេក៏ធ្លាប់ឈ្នះពានលំដាប់ពិភពលោក និងធ្លាប់ប្រកួតកម្មវិធីធំៗជាច្រើនប៉ែកខាងអឺរ៉ុប៕ អត្ថបទកែសម្រួលពី Cambodia SEA GAMES 2023
