- 2021-09-10 02:39:16
- កីឡាផ្សេងៗ
វគ្គសិក្សាសាមគ្គីអូឡាំពិក ជួយពង្រឹងគុណភាពការងារប្រចាំថ្ងៃលើជំនាញកីឡា
- 2021-09-10 02:39:16
- ចំនួនមតិ 0 | ចំនួនចែករំលែក 0
វគ្គសិក្សាសាមគ្គីអូឡាំពិក ជួយពង្រឹងគុណភាពការងារប្រចាំថ្ងៃលើជំនាញកីឡា
ចន្លោះមិនឃើញ
គណៈកម្មការជាតិអូឡាំពិកកម្ពុជា បានបង្កើតវគ្គសិក្សាសាមគ្គីអូឡាំពិក រយៈពេល៣ថ្ងៃដល់មន្ត្រីសហព័ន្ធជាតិនានា រួមទាំងគណៈកម្មការជំនាញរបស់ CAMSOC ក្នុងការពង្រឹងសមត្ថភាពរដ្ឋបាលកីឡាឲ្យរឹតតែមានប្រសិទ្ធភាពបន្ថែម។
ឯកឧត្ដម វ៉ាត់ ចំរើន អគ្គលេខាធិការ NOCC បានឲ្យដឹងថា វគ្គសិក្សាសាមគ្គីអូឡាំពិក ស្ដីពីរដ្ឋបាលកីឡានេះបើទោះជាមានរយៈពេលខ្លីមែន ប៉ុន្តែគឺមានសារសំខាន់ណាស់សម្រាប់មន្ត្រីជំនាញដែលបានចូលរួម។
ឯកឧត្ដមបន្ថែមទៀតថា ចំពោះខ្លឹមសារនៃវគ្គនេះគឺបានជួយពង្រឹងបន្ថែមលើវេជ្ជសាស្ត្រកីឡា ការរៀបចំរចនាសម្ព័ន្ធកីឡា ប្រវត្តិកីឡា គោលការណ៍ Fair Play ភាពជាអ្នកដឹកនាំក្នុងកីឡាជាដើម។ ដូច្នេះហើយវគ្គសិក្សានេះគឺពិតជាជួយដល់អ្នកចូលរួមរឹតតែមានសមត្ថភាពលើកិច្ចការជំនាញផ្នែកកីឡា។ ក្រៅពីនេះក៏បានជួយជំរុញដល់បុគ្គលមួយៗខំប្រឹងប្រែងក្នុងការបំពេញការងារ។
រំលឹកដែរថា វគ្គសិក្សានេះធ្វើឡើងពីថ្ងៃទី៦ ដល់ ៩ ខែកញ្ញា ឆ្នាំ២០២១ តាមរយៈ Online ដោយគណៈកម្មការជាតិអូឡាំពិកកម្ពុជា (NOCC)។ ចំពោះសិក្ខាកាមចូលរួមមាន២៥នាក់ ក្នុងនោះជាមន្ត្រីសំខាន់ៗតាមសហព័ន្ធជាតិ និងមន្ត្រី CAMSOC ដើម្បីជាការត្រៀមលក្ខណៈនៅស៊ីហ្គេម ២០២៣ កម្ពុជាធ្វើជាម្ចាស់ផ្ទះ៕