- 2021-09-08 03:43:44
- កីឡាផ្សេងៗ
ក្រុមជម្រើសជាតិកង់៣រូប ហាត់នៅបារាំង បានមកដល់កម្ពុជាវិញហើយកំពុងចត្តាឡីស័ក
- 2021-09-08 03:43:44
- ចំនួនមតិ 0 | ចំនួនចែករំលែក 0
ក្រុមជម្រើសជាតិកង់៣រូប ហាត់នៅបារាំង បានមកដល់កម្ពុជាវិញហើយកំពុងចត្តាឡីស័ក
ចន្លោះមិនឃើញ
ក្រុមកីឡាករជម្រើសជាតិកង់ ៣រូប និងគ្រូ១រូប ដែលទៅហ្វឹកហាត់នៅប្រទេសបារាំង គឺបានមកដល់កម្ពុជាវិញហើយល្ងាចម្សិលមិញ និងកំពុងធ្វើចត្តាឡីស័ក។
លោក នូ ចំរើន អគ្គលេខាធិការសហព័ន្ធទោចក្រយានបានឲ្យដឹងថា កីឡាករ ៣រូប និងគ្រូ១រូបដែលហ្វឹកហាត់នៅប្រទេសបារាំងចំនួន៣ខែនោះគឺបានបញ្ចប់ភារកិច្ចវិលត្រលប់មកដល់កម្ពុជាវិញហើយនៅល្ងាចម្សិលមិញ។ ឥលូវនេះពួកគេកំពុងធ្វើចត្តាឡីស័កនៅសណ្ឋាគារអូឡាំព្យា ក្បែរពហុកីឡដ្ឋានជាតិ។
អគ្គលេខាធិការខាងលើនេះបន្ថែមទៀតថា ក្រុមការងារសហព័ន្ធកំពុងរៀបចំឧបករណ៍មួយចំនួនយកទៅជូនដល់ក្រុមកីឡាករទាំង៣ដើម្បីធ្វើការហ្វឹកហាត់រក្សាកម្លាំងអំឡុងពេលចត្តាឡីស័កផងដែរ។
រំលឹកដែរថា សហព័ន្ធកីឡាទោចក្រយានបានបញ្ជូនកីឡាករ ៣រូបរួមនិងគ្រូ១រូបបានទៅហ្វឹកហាត់នៅប្រទេសបារាំងរយៈពេល ៣ខែកាលពីខែមិថុនា ឆ្នាំ២០២១។ កីឡាករ និងគ្រូម្នាក់នោះគឺ ទី១ គឹម ចាន់ធូ ទី២ សាន ណាម៉ា ទី៣ សាន ណាម៉ូវ និងលោកគ្រូ ខ្លួត ករណី៕