- 2021-09-03 02:38:51
- កីឡាផ្សេងៗ
សាលពិព័រណ៍អន្តរជាតិនៅជ្រោយចង្វា នឹងធ្វើជាកន្លែងប្រកួតកីឡាក្នុងសាល ស៊ីហ្គេម ២០២៣
- 2021-09-03 02:38:51
- ចំនួនមតិ 0 | ចំនួនចែករំលែក 0
សាលពិព័រណ៍អន្តរជាតិនៅជ្រោយចង្វា នឹងធ្វើជាកន្លែងប្រកួតកីឡាក្នុងសាល ស៊ីហ្គេម ២០២៣
ចន្លោះមិនឃើញ
សាលពិព័រណ៍អន្តរជាតិនៅខណ្ឌជ្រោយចង្វា នឹងត្រូវយកធ្វើជាកន្លែងប្រកួតកីឡាក្នុងសាលចំនួន ១០ប្រភេទផ្សេងៗគ្នា ក្រៅពីនេះក៏ត្រៀមសម្រាប់ការប្រកួតប៉ារ៉ាហ្គេម ផងដែរនៅឆ្នាំ២០២៣ ដែលកម្ពុជាជាម្ចាស់ផ្ទះ។
ឯកឧត្ដម វ៉ាត់ ចំរើន អគ្គលេខាធិការ CAMSOC បាននាំគណៈកម្មការបច្ចេកទេស និងសហព័ន្ធជាតិដែលពាក់ព័ន្ធចុះពិនិត្យសាលពិព័រណ៍អន្តរជាតិនៅឯជ្រោយចង្វាកន្លែងគ្រោងទទួលរៀបចំការប្រកួតកីឡាក្នុងសាល។
អ្នកជំនាញផ្នែកកីឡាខាងលើនេះ បញ្ជាក់ថា សាលនេះគឺមានលក្ខណៈបច្ចេកទេសខ្ពស់ល្អ មានហេដ្ឋារចនាសម្ព័ន្ធ ទីធ្លាចតយានយន្តជាដើម មានភាពសមស្របអាចរៀបចំតុបតែងលម្អ បំពាក់សម្ភារការប្រកួតបានយ៉ាងប្រសើរ។ តាមការចង្អុលបង្ហាញរបស់ឯកឧត្ដម ថោង ខុន គណៈកម្មការជំនាញទាំងអស់ត្រូវធ្វើផែនការសកម្មភាពទាំងអស់ឲ្យបានរួចរាល់នៅមុនបំណាច់ឆមាសទី២ នៃឆ្នាំ២០២១ នេះ។
រំលឹកដែរថា នៅឆ្នាំ២០២៣ ខាងមុខនេះកម្ពុជានឹងទទួលធ្វើជាម្ចាស់ផ្ទះកីឡាស៊ីហ្គេម លើកទី៣២។ ដែលនេះជាលើកទី១ និងជាប្រវត្តិសាស្ត្រសម្រាប់កម្ពុជាក្នុងការធ្វើជាម្ចាស់ផ្ទះកម្មវិធីកីឡាអាស៊ីអាគ្នេយ៍។ កម្ពុជាក៏បានត្រៀមខ្លួនជាច្រើនឆ្នាំផងដែរដូចជាការសាងសង់ហេដ្ឋារចនាសម្ព័ន្ធជាច្រើន និងកន្លែងប្រកួតជាច្រើន។ ចំពោះការចុះពិនិត្យសាលពិព័រណ៍នេះដែរធ្វើឡើងកាលពីថ្ងៃទី១ ខែកញ្ញា ២០២១៕ អត្ថបទកែសម្រួលពី Cambodia SEA GAMES 2023
