វិទីនី បង្ហោះសារថ្មីៗនេះព្រោះចង់ផ្ដាំទៅបរទេសមួយចំនួនកុំមើលស្រាលអត្តពលិកកម្ពុជា

2021-08-27 02:31:06
កីឡាផ្សេងៗ

2021-08-27 02:31:06
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះអតីតកីឡាការិនីហែលទឹកស្រស់សោភារបស់កម្ពុជា ហែមថុន វិទីនី បានបង្ហោះសារវែងមួយ ដែលត្រូវបានមហាជន Share តៗគ្នាយ៉ាងច្រើន ហើយខ្លឹមសារនោះព្រោះចង់ផ្ដាំទៅបរទេសមួយចំនួនកុំមើលស្រាលអត្តពលិកកម្ពុជាអាងខ្្លួនមានលុយគិតថាអស្ចារ្យនោះ។

គ្រូបង្ហាត់ហែលទឹកជនពិការជម្រើសជាតិកម្ពុជាខាងលើបានរៀបរាប់មកកាន់ Sabay ថា កាលពីពេលថ្មីនេះខ្លួនត្រូវបានក្រុមហ៊ុនឯកជនមួយទាក់ទងឲ្យទៅធ្វើជាគ្រូបង្វឹកហែលទឹកដល់កន្លែងរបស់គេ ដែលគ្រោងបើកនៅភ្នំពេញ ដោយផ្ដល់ប្រាក់ខែខ្ពស់រហូតដល់២ពាន់ដុល្លារក្នុងមួយខែ។ តែការចរចានោះត្រូវបាន វិទីនី បដិសេធវិញបន្ទាប់ពីបានស្ដាប់លក្ខខណ្ឌរបស់គេ។

អតីតកីឡាការិនីដដែលមិនបានបញ្ជាក់ពីលក្ខខណ្ឌនោះច្រើនទេ គ្រាន់តែនិយាយយ៉ាងខ្លីថា «ហាក់ដូចយកលុយមកជះឲ្យយើងធ្វើការឲ្យគេចឹងបង»។ វិទីនី បន្ថែមទៀតថា ទោះកន្លងមកការងារជាអ្នកកីឡាមិនអាចទទួលបានប្រាក់ខែច្រើនដល់ប៉ុណ្ណឹងក៏ដោយ ក៏វិស័យមួយនេះវាមានតម្លៃមិនអាចកាត់ថ្លៃបានសម្រាប់រូបគេជាអ្នកកីឡា។

ហែមថុន វិទីនី ជាអតីតកីឡាការិនីជម្រើសជាតិកម្ពុជា ដែលទទួលស្គាល់ដោយសហព័ន្ធកីឡាអូឡាំពិកអន្តរជាតិ និងជាកីឡាការិនីហែលទឹកកម្ពុជាដែលទទួលបានការបណ្ដុះបណ្ដាលនៅក្រៅប្រទេសច្រើនលើកច្រើនសារផងដែរ៕