- 2021-08-06 07:57:18
- កីឡាផ្សេងៗ
គ្រូតេក្វាន់ដូ ITF ពិតជារំភើប និងមានអារម្មណ៍ដូចឈរនៅបរទេសព្រឹកមិញក្នុងស្តាតមរតកតេជោ
- 2021-08-06 07:57:18
- ចំនួនមតិ 0 | ចំនួនចែករំលែក 0
គ្រូតេក្វាន់ដូ ITF ពិតជារំភើប និងមានអារម្មណ៍ដូចឈរនៅបរទេសព្រឹកមិញក្នុងស្តាតមរតកតេជោ
ចន្លោះមិនឃើញ
គ្រូជំនួយតេក្វាន់ដូ ITF ថាពិតជាមានអារម្មណ៍រំភើបណាស់នៅពេលបានចូលមើលស្តាតទាត់បាល់មរតកតេជោព្រឹកមិញនេះ ព្រោះស្អាតខ្លាំងដូចឈរក្នុងស្តាតទំនើបនៅអឺរ៉ុប។
លោក ទ្រី វរលក្ខណ៍ បានឲ្យដឹងថា ព្រឹកមិញនេះដែលបានចូលទៅក្នុងស្តាតមរតកតេជោ ជាពិសេសស្តាតទាត់បាល់គឺស្អាខ្លាំងទាំងឧបករណ៍សម្ភារបំពាក់ល្អទំនើប អមដោយពណ៌យ៉ាងស្រស់បំព្រងដូចស្តាតទំនើបៗនៅតំបន់អឺរ៉ុបអីចឹងដែរ។
គ្រូជំនួយរូបនេះបន្ថែមទៀតថា គ្រាន់តែឃើញពហុកីឡដ្ឋានស្អាតបែបនេះគឺចង់ហ្វឹកហាត់ ចង់ចូលរួមប្រកួតតែម្ដង ជាពិសេសនៅស៊ីហ្គេម ឆ្នាំ២០២៣ ខាងមុខនេះ។ លោកក៏ថ្លែងអំណរគុណប្រមុខរាជរដ្ឋាភិបាល ក្រសួងអប់រំ យុវជន និងកីឡា រួមទាំងគណៈកម្មការជាតិអូឡាំពិកកម្ពុជាដែលបានលើកស្ទួយវិស័យកីឡាឲ្យរីកចម្រើនទាំងសមត្ថភាព និងហេដ្ឋារចនាសម្ព័ន្ធនានា។
រំលឹកដែរថា ពហុកីឡដ្ឋានមរតកតេជោ នេះគឺសាងសង់ឡើងសម្រាប់ត្រៀមស៊ីហ្គេម ឆ្នាំ២០២៣ ខាងមុននេះដែលកម្ពុជាធ្វើជាម្ចាស់ផ្ទះ។ ឥលូវនេះផងដែរគឺមានប្រភេទកីឡាមួយចំនួនហើយដែលបានទៅប្រមូលផ្ដុំហ្វឹកហាត់នៅទីនោះ៕
