- 2021-07-20 08:23:14
- កីឡាផ្សេងៗ
ប៉ែន សុគង់ ការចេញទៅប្រកួតអូឡាំពិកបង្ហាញពីការរួមគ្នាជាសកលប្រឆាំងនិងជំងឺកូវីដ
- 2021-07-20 08:23:14
- ចំនួនមតិ 0 | ចំនួនចែករំលែក 0
ប៉ែន សុគង់ ការចេញទៅប្រកួតអូឡាំពិកបង្ហាញពីការរួមគ្នាជាសកលប្រឆាំងនិងជំងឺកូវីដ
ចន្លោះមិនឃើញ
កីឡាករអត្តពលកម្មរបស់កម្ពុជា ប៉ែន សុគង់ ថាការចេញទៅចូលរួមព្រឹត្តិការណ៍អូឡាំពិក នៅទីក្រុងតូក្យ ប្រទេសជប៉ុន លើកនេះគឺមានអត្ថន័យច្រើនក្នុងនោះក៏ជាការរួមគ្នាជាសកលលោកប្រឆាំងកូវីដ ១៩។
កីឡាករ ប៉ែន សុគង់ បានឲ្យដឹងថា ខ្លួននឹងបង្ហាញឲ្យពិភពលោកបានដឹងពីវិស័យកីឡាអត្តពលកម្មរបស់ប្រទេសកម្ពុជាក្នុងព្រឹត្តិការណ៍អូឡាំពិកនេះ។ មិនត្រឹមតែប៉ុណ្ណឹងទេ ការចូលរួមនេះបង្ហាញថាទោះអំឡុងជំងឺកូវីដ បែបនេះក្ដីប្រទេសនានាលើសកលលោកក៏នៅតែអាចលេងកីឡាបាន និងបន្តប្រឆាំងជំងឺមួយនេះ។
កីឡាកររត់ប្រណាំងឆ្នើមរបស់កម្ពុជាខាងលើបន្ថែមទៀតថា រូបគេនឹងប្រឹងប្រែងឲ្យអស់ពីសមត្ថភាពដើម្បីទទួលបានលទ្ធផលល្អជូនប្រទេសជាតិក៏ដូចជាការបង្ហាញពីសក្ដានុពលលើប្រភេទកីឡាមួយនេះផងដែរ។
រំលឹកដែរថា កីឡាករ ប៉ែន សុគង់ នឹងត្រូវប្រកួតតំណាងឲ្យកម្ពុជាលើវិញ្ញាសារត់ល្បឿន ១០០ម៉ែត្រ។ ប្រទេសកម្ពុជាបញ្ជូន២ប្រភេទកីឡាឲ្យចូលរួមក្នុងព្រឹត្តិការណ៍កីឡាអូឡាំពិកប្រទេសជប៉ុន ២០២០ ដែលលើកពេលមកធ្វើ ២០២១ ។ ការប្រកួតអូឡាំពិក ទីក្រុងតូក្យូ នេះនឹងធ្វើឡើងចាប់ពីថ្ងៃទី២៣ កក្កដា ដល់ ៨ សីហា ២០២១៕