- 2021-07-19 08:26:14
- កីឡាផ្សេងៗ
ប្រធាន NOCC ជួបសំណេះសំណាលលើកទឹកចិត្តក្រុមកីឡាកម្ពុជាត្រៀមទៅប្រកួតអូឡាំពិកនៅជប៉ុន
- 2021-07-19 08:26:14
- ចំនួនមតិ 0 | ចំនួនចែករំលែក 0
ប្រធាន NOCC ជួបសំណេះសំណាលលើកទឹកចិត្តក្រុមកីឡាកម្ពុជាត្រៀមទៅប្រកួតអូឡាំពិកនៅជប៉ុន
ចន្លោះមិនឃើញ
ប្រធានគណៈកម្មាធិការជាតិអូឡាំពិកកម្ពុជា ព្រឹកមិញនេះបានជួបសំណេះសំណាល និងផ្ដល់ការលើកទឹកចិត្តដល់ក្រុមកីឡាកម្ពុជាដែលនឹងចេញទៅជប៉ុន ស្អែកនេះហើយដើម្បីចូលរួមប្រកួតព្រឹត្តិការណ៍អូឡាំពិក។
ឯកឧត្ដម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា (NOCC) បានណែនាំច្រើនដល់ក្រុមកីឡាករ កីឡាការិនី ទាំងហែលទឹក និងរត់ប្រណាំងឲ្យមានការប្រុងប្រយ័ត្នខ្ពស់ចំពោះកូវីដ ១៩ ក៏ដូចជាអ្វីដែលមិនគួរធ្វើ អ្វីដែលជាការហាមឃាត់ផ្សេងៗមិនត្រូវឲ្យមាននោះទេ។ ការចេញទៅប្រកួតនេះគឺតំណាងឲ្យប្រជាជាតិកម្ពុជា តំណាងឲ្យអូឡាំពិកកម្ពុជា ដូច្នេះការធ្វើអ្វីមួយត្រូវមានការប្រុងប្រយ័ត្ន និងឲ្យសមជាប្រទេសដែលអរិយធម៌ល្អ សន្តិភាពជាដើម។
ឯកឧត្ដម វ៉ាត់ ចំរើន នាយបេសកកម្មបានឲ្យដឹងដែរថា ការចេញទៅនេះគឺជាការលើកទឹកចិត្តដល់ម្ចាស់ផ្ទះជប៉ុន ការបង្ហាញទង់ជាតិរបស់ខ្មែរលើឆាកអន្តរជាតិ និងជាការបង្ហាញពីសកម្មភាពរបស់កម្ពុជាជាមួយចលនាអូឡាំពិកអន្តរជាតិ។ ងាកទៅសមត្ថភាព និងលទ្ធផលយ៉ាងណានោះគឺមិនថ្វីនោះទេ ព្រោះដឹងហើយថាកម្រិតកីឡាអូឡាំពិកខ្ពស់ និងខុសគ្នាឆ្ងាយ ប៉ុន្តែគឺកីឡាករ កីឡាការិនីកម្ពុជា នៅតែប្រឹងប្រែងឲ្យអស់ពីអ្វីដែលខ្លួនមាន អ្វីដែលខ្លួនបានហាត់រៀនកន្លងទៅផងដែរ។
រំលឹកដែរថា ព្រឹកមិញនេះឯកឧត្ដម ថោង ខុន ប្រធាន NOCC បានជួបសំណេះសំណាលជាមួយក្រុមកីឡាកម្ពុជាមុនចេញដំណើរទៅប្រទេសជប៉ុនស្អែកនេះ។ កម្ពុជាបានសិទ្ធិយោគយល់លើ២ប្រភេទកីឡាគឺហែលទឹក និងអត្តពលកម្មក្នុងការចូលរួមប្រកួតព្រឹត្តិការណ៍កីឡាអូឡាំពិកកម្ពុជា ទីក្រុងតូក្យូ ប្រទេសជប៉ុន ឆ្នាំ២០២០៕