- 2021-07-06 08:05:24
- កីឡាផ្សេងៗ
ឃឿន ប៊ុនពេជ្រមរកត មិននឹកស្មានខ្លួនអាចទៅលេងព្រឹត្តិការណ៍អូឡាំពិកនៅជប៉ុន
- 2021-07-06 08:05:24
- ចំនួនមតិ 0 | ចំនួនចែករំលែក 0
ឃឿន ប៊ុនពេជ្រមរកត មិននឹកស្មានខ្លួនអាចទៅលេងព្រឹត្តិការណ៍អូឡាំពិកនៅជប៉ុន
ចន្លោះមិនឃើញ
កីឡាការិនីវ័យ ១៥ឆ្នាំ ឃឿន ប៊ុនពេជ្រមរកត មានអារម្មណ៍រំភើប និងនឹកស្មានមិនដល់ថាអាចទៅចូលរួមក្នុងព្រឹត្តិការណ៍ដ៏ធំ៤ឆ្នាំម្ដង អូឡាំពិក ២០២០ ដែលនឹងធ្វើឡើងនៅប្រទេសជប៉ុនប៉ុន្មានថ្ងៃខាងមុខនេះ។
ឃឿន ប៊ុនពេជ្រមរកត បានឡើងថា វាពិតជារំភើបណាស់ដែលមានឱកាសចេញទៅប្រកួតក្នុងព្រឹត្តិការណ៍អូឡាំពិក នៅប្រទេសជប៉ុននេះ។ កីឡាការិនីជម្រើសជាតិកម្ពុជារូបនេះប្ដេជ្ញានឹងខំប្រឹងប្រែងហ្វឹកហាត់ បង្កើនសមត្ថភាព និងសិទ្ធផលឲ្យរឹតតែល្អជាងមុន។
កីឡាការិនីវ័យ១៥ឆ្នាំរូបនេះដាក់គោលដៅបន្តទៀតដែរក្នុងការប្រឹងហ្វឹកហាត់ឲ្យជាប់ជម្រើសក្នុងចំណោម១០នាក់ទៅហ្វឹកហាត់នៅឯប្រទេសចិន ត្រៀមការប្រកួតស៊ីហ្គេម ទាំងនៅវៀតណាម និង២០២៣ កម្ពុជាធ្វើម្ចាស់ជាដើម។
រំលឹកដែរថា កីឡាការិនី ឃឿន ប៊ុនពេជ្រមរកត ត្រូវបានសហព័ន្ធខ្មែរកីឡាហែលទឹកជ្រើសរើសឲ្យទៅប្រកួតក្នុងព្រឹត្តិការណ៍អូឡាំពិកជំនួសកីឡាការិនី ខ្មែរ-អាមេរិក ម៉ីលី តានមីននិក។ ការផ្លាស់ប្ដូរនេះដែរគឺដោយសារតែសហព័ន្ធកីឡាហែលទឹកអន្តរជាតិ (FINA) ស្នើឲ្យបញ្ជូនបេក្ខភាពដែលមានលក្ខខណ្ឌសមស្របក្នុងការកំណត់។ ឃឿន ប៊ុនពេជ្រមរកត និងកីឡាករ ហែម ប៉ុច នឹងត្រូវប្រកួតលើវិញ្ញាសា ៥០ម៉ែត្រសេរី៕ អត្ថបទកែសម្រួលពី Cambodia SEA GAMES 2023