- 2021-06-03 02:58:43
- កីឡាផ្សេងៗ
CAMSOC តែងតាំងប្រធានគណៈកម្មការវេជ្ជសាស្ត្រថ្មីជំនួសលោកគ្រូ ស្ដើង ជា ដែលទទួលមរណភាព
- 2021-06-03 02:58:43
- ចំនួនមតិ 0 | ចំនួនចែករំលែក 0
CAMSOC តែងតាំងប្រធានគណៈកម្មការវេជ្ជសាស្ត្រថ្មីជំនួសលោកគ្រូ ស្ដើង ជា ដែលទទួលមរណភាព
ចន្លោះមិនឃើញ
គណៈកម្មការជាតិរៀបចំការប្រកួតកីឡាអាស៊ីអាគ្នយ៍ លើកទី៣២ (CAMSOC) សម្រេចតែងតាំងលោកវេជ្ជបណ្ឌិត សុក សារឿន ជាប្រធានគណៈកម្មការវេជ្ជសាស្ត្រ និងដូភីង ជំនួសលោក ស្ដើង ជា ដែលទទួលមរណភាព។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងថា ម្សិលមិញនេះបានប្រកាស និងបង្ហាញមុខជាផ្លូវការលោក សុក សារឿន ដែលត្រូវតែងតាំងជាប្រធានគណៈកម្មការវេជ្ជសាស្ត្រថ្មីដើម្បីឲ្យសមាជិកក៏ដូចជាក្រុមការងារផ្នែកនេះបានជួប និងស្គាល់គ្នា។
អគ្គលេខាធិការខាងលើនេះបន្ថែមទៀតថា ដោយមើលឃើញលោកវេជ្ជបណ្ឌិត សុក សារឿន គឺមានបទពិសោធច្រើន និងសាកសមកាន់តំណែងនេះផងដែរ។ ការតែងតាំងនេះដើម្បីឲ្យលោកបន្តកិច្ចការផ្នែកវេជ្ជសាស្ត្រកីឡាដើម្បីឆ្ពោះទៅស៊ីហ្គេម ២០២៣ និងជួយដល់ក្រុមកីឡាត្រៀមទៅស៊ីហ្គេមចុងឆ្នាំនេះនៅ វៀតណាម ទៀតផង។
រំលឹកដែរថា ប្រធានវេជ្ជសាស្ត្រគណៈកម្មការវេជ្ជសាស្ត្រចាស់លោកបណ្ឌិត ស្ដើង ជា បានទទួលមរណភាពដោយសាររោគាពាធ។ គណៈកម្មការវេជ្ជសាស្ត្រ និងដូភីងជាគណៈកម្មការមួយក្នុងចំណោមគណៈកម្មការផ្សេងៗទៀតដែលកំពុងធ្វើកិច្ចការឆ្ពោះទៅស៊ីហ្គេម ២០២៣ ពេលកម្ពុជាធ្វើម្ចាស់ផ្ទះ៕
