- 2021-05-28 09:21:42
- កីឡាផ្សេងៗ
ស.ជ.ណ ក្រុមកីឡាជម្រើសជាតិដែលធ្វើការរដ្ឋអាចអនុញ្ញាតមិនទៅធ្វើការបាន និងនៅតែទទួលប្រាក់បៀវត្សរ៍
- 2021-05-28 09:21:42
- ចំនួនមតិ 0 | ចំនួនចែករំលែក 0
ស.ជ.ណ ក្រុមកីឡាជម្រើសជាតិដែលធ្វើការរដ្ឋអាចអនុញ្ញាតមិនទៅធ្វើការបាន និងនៅតែទទួលប្រាក់បៀវត្សរ៍
ចន្លោះមិនឃើញ
ស.ជ.ណ រដ្ឋាភិបាល ដែលចេញរួចរាល់ថ្មីៗនេះបានបញ្ជាក់ថា ក្រុមកីឡាករ គ្រូបង្វឹក ដែលសព្វថ្ងៃជាមន្ត្រីតាមស្ថាប័នរដ្ឋ កម្លាំងប្រដាល់អាវុធ និងស៊ីវិលជាដើមអាចអនុញ្ញាតមិនទៅបំពេញការងារបាន និងទទួលប្រាក់បៀវត្សរ៍រហូតបញ្ចប់ស៊ីហ្គេម ២០២៣។
ឯកឧត្ដម វ៉ាត់ ចំរើន អគ្គលេខាធិការ CAMSOC បានឲ្យដឹងថា ស.ជ.ណ ដែលសម្ដេចពិជ័យ បានស្នើរទៅសម្ដេចតេជោ គឺបានចេញរាល់ហើយ ក្នុងនោះក៏មានចំណុចមួយដែលបញ្ជាក់អំពីក្រុមកីឡាជម្រើសជាតិ គ្រូបង្វឹកដែលជាប់បំពេញការងាររដ្ឋ ដូចជាកម្លាំងប្រដាល់អាវុធ និងស៊ីវិលផងដែរ។
ចំណុចខាងលើនេះឯកឧត្ដមចង់បញ្ជាក់ថា ដំណាក់ការត្រៀមហ្វឹកហាត់រយៈពេលវែងគឺមកដល់ហើយ ដូច្នេះការប្រមូលកម្លាំងពិតហ្វឹកហាត់រហូតដល់ស៊ីហ្គេម និងប៉ារ៉ាហ្គេម ២០២៣ ចាប់ផ្ដើម។ ចំពោះការហ្វឹកហាត់ដែលត្រឹមត្រូវតាមលក្ខណៈបច្ចេកទេស ឬស្តង់ដារកីឡា ម្នាក់ៗត្រូវហាត់៨ម៉ោង និងត្រូវសម្រាក១២ម៉ោងហេតុនេះហើយបើកីឡាករ ឬគ្រូបង្វឹកជាប់ធ្វើការ៨ម៉ោងហើយនោះមានន័យថាការហាត់បន្តិចចុងម៉ោងបន្តិចបន្តួចប៉ុណ្ណោះ។
ហេតុនេះអ្នកដែលត្រូវប្រមូលផ្ដុំហ្វឹកហាត់គឺគិតតែហាត់មួយមុខសិនរហូតដល់បញ្ចប់ស៊ីហ្គេម និង ប៉ារ៉ាហ្គេម ២០២៣។ ចំពោះការងារស្ថាប័នរដ្ឋ តាមអង្គភាពផ្សេងៗគឺអនុញ្ញាតអាចមិនទៅធ្វើការបាន និងទទួលបានប្រាក់បៀវត្សរ៍ជាធម្មតា ខណៈប្រាក់ឧបត្ថម្ភពេលហាត់ក៏នៅតែទទួលបានថែមទៀត។ ការធ្វើបែបនេះតាមលំនាំប្រទេសផ្សេងៗបានអនុវត្តន៍រួចហើយ ទាំងនេះក៏ជាការយកចិត្តទុកដាក់ចំពោះសុខុមាលភាពក្រុមជម្រើសជាតិកម្ពុជាផង និងឈានទៅរកភាពជោគជ័យស៊ីហ្គេម ២០២៣។
រំលឹកដែរថា ថ្មីៗនេះសម្ដេចពិជ័យ ទៀ បាញ់ ប្រធាន CAMSOC បានស្នើទៅសម្ដេចតេជោ ស្ដីពីការចាប់ផ្ដើមការហ្វឹកហាត់ឡើងវិញបន្ទាន់ និងកិច្ចការពិសេសៗមួយចំនួនទាក់ទងទៅនិងការហាត់ត្រៀម ឬសកម្មភាពផ្សេងឆ្ពោះទៅស៊ីហ្គេម ២០២៣ បន្ទាប់ពីកម្ពុជាត្រូវផ្អាកមួយរយៈដោយសារកូវីដ ១៩។
