- 2021-03-12 08:34:39
- កីឡាផ្សេងៗ
ឃឿន ប៊ុនឡុង តេក្វាន់ដូ ITF ធ្វើឲ្យមានជីវភាពធូរធារ និងមានលទ្ធភាពទិញឡាន
- 2021-03-12 08:34:39
- ចំនួនមតិ 0 | ចំនួនចែករំលែក 0
ឃឿន ប៊ុនឡុង តេក្វាន់ដូ ITF ធ្វើឲ្យមានជីវភាពធូរធារ និងមានលទ្ធភាពទិញឡាន
ចន្លោះមិនឃើញ
អ្នកលេងក្បាច់គុនតេក្វាន់ដូ ITF ឃឿន ប៊ុនឡុង ថាកីឡាមួយនេះគឺពិតជាជួយរូបគេ និងក្រុមគ្រួសារបានច្រើនតែម្ដង ខណៈប្រាក់រង្វាន់សន្សំបានរហូតអាចទិញឡាន១គ្រឿងថែមទៀតផង។
កីឡាករជម្រើសជាតិ តេក្វាន់ ITF ឃឿន ប៊ុនឡុង បានឲ្យដឹងថា ការចូលប្រឡូកក្នុងវិស័យកីឡាមួយនេះប្រហែល៧ឆ្នាំមកហើយ។ បើនិយាយពីសារប្រយោជន៍ដែលទទួលបានពី ITF គឺមានច្រើនមែនទែន។
កីឡាករវ័យ ២៣ឆ្នាំ ខាងលើនេះបន្ថែមទៀតថា សារប្រយោជន៍ទី១ នោះគឺសុខភាពល្អតែម្ដង ទី២ ធ្វើឲ្យក្រុមគ្រួសារមានមុខមាត់ក្នុងស្រុកភូមិ ទី៣ ជីវភាពក្រុមគ្រួសារធូរធារសមរម្យក្នុងសង្គម និងមានលទ្ធភាពចូលលុយគ្នាជាមួយប្អូនទិញបានឡាន ១គ្រឿង ផងដែរនាពេលកន្លងទៅនេះ។
ម្ចាស់មេដាយជាតិ និងអន្តរជាតិច្រើនគ្រឿងខាងលើនេះក៏ថ្លែងអំណរគុណប្រមុខរាជរដ្ឋាភិបាល និងថ្នាក់ដឹកនាំសហព័ន្ធដែលតែងតែយកចិត្តទុកដាក់លើវិស័យកីឡានៅកម្ពុជា។ ប៊ុនឡុង ក៏អរគុណដល់គ្រូៗដែលបានបង្ហាត់បង្រៀនរូបគេនាពេលកន្លងមក។
រំលឹកដែរថា ឃឿន ប៊ុនឡុង ជាកីឡាករជម្រើសជាតិ តេក្វាន់ដូ ITF នាពេលបច្ចុប្បន្ននេះ។ ក្រៅតែជាកីឡាករហើយនោះ អ្នកលេងក្បាច់គុនរូបនេះក៏ជាគ្រូកីឡានៅវិទ្យាល័យព្រែកលៀបផងដែរសព្វថ្ងៃនេះ៕