- 2021-02-22 10:12:09
- កីឡាផ្សេងៗ
អនុប្រធានសហព័ន្ធទូកក្ដោង៖ កីឡាករ កីឡាការិនីនោះទេជាតួឯក ជាអ្នករកមេដាយ
- 2021-02-22 10:12:09
- ចំនួនមតិ 0 | ចំនួនចែករំលែក 0
អនុប្រធានសហព័ន្ធទូកក្ដោង៖ កីឡាករ កីឡាការិនីនោះទេជាតួឯក ជាអ្នករកមេដាយ
ចន្លោះមិនឃើញ
អនុប្រធានសហព័ន្ធទូកក្ដោងកម្ពុជា ថាសហព័ន្ធមួយជោគជ័យបានដោយសារតែកីឡាករ កីឡាការិនី គ្រូបង្វឹក មិនមែនថ្នាក់ដឹកនាំទេ ដូច្នេះម្នាក់ៗត្រូវខំប្រឹងប្រែងដើម្បីមានសមត្ថភាពក្នុងការប្រជែងរកជ័យជម្នះ។
ឯកឧត្ដម វ៉ាត់ ចំរើន អនុប្រធានសហព័ន្ធទូកក្ដោងបានឲ្យដឹងថា សមាសភាព និងថ្នាក់ដឹកនាំដែលបានដាក់បញ្ចូលថ្មីៗនេះគឺគ្រាន់តែផ្នែកធ្វើសកម្មភាព ឬជំរុញឲ្យមានសកម្មភាពការងារឲ្យច្រើនជាងមុននោះទេ។ ដូច្នេះភាពជោគជ័យរបស់សហព័ន្ធអាស្រ័យលើកីឡាករ កីឡាការិនីផ្ទាល់ ហេតុនេះហើយម្នាក់ៗដែលជាតួឯកពិតប្រាក់ត្រូវមានការប្រឹងប្រែងដើម្បីជ័យជម្នះ និងលើកមុខមាត់។
កីឡាករខ្លួនឯងត្រូវបង្ហាញពីភាពខំប្រឹង បង្ហាញការជឿជាក់ដល់ថ្នាក់ដឹកនាំនានារបស់សហព័ន្ធដើម្បីឲ្យថ្នាក់ដឹកនាំមានទំនុកចិត្តក្នុងការជួយជ្រោមជ្រែង និងបន្តស្វះស្វែងរកជំនួយទ្រទ្រង់ដល់ការងារផ្សេងបន្តទៀត។
រំលឹកដែរថា ព្រឹកមិញនេះសហព័ន្ធកីឡាទូកក្ដោងកម្ពុជា បានធ្វើមហាសន្និបាតបញ្ចប់អាណត្តិទី១ របស់ខ្លួន និងបន្តលើកទិសដៅអាណត្តិថ្មីទី២ ឆ្នាំ២០១៩-២០២៣។ បេក្ខភាពសម្រាប់អាណត្តិថ្មីនេះរួមមាន ប្រធាន ឯកឧត្ដម ថាង ហ្គោដុន អនុប្រធានទី១ ឯកឧត្ដម ថោង រដ្ឋសក្កិ អនុប្រធានទី២ ឯកឧត្ដម វ៉ាត់ ចំរើន និងអគ្គលេខាធិការ លោក សោម សុទ្ធរិទ្ធិពង្ស៕