- 2020-11-09 04:54:43
- កីឡាផ្សេងៗ
សម្ដេចក្រឡាហោម៖ ប៊ូល ទោះមិនមែនកីឡាធ្ងន់ដូចគេ ប៉ុន្តែក៏មានលក្ខណៈពិសេសដែរ
- 2020-11-09 04:54:43
- ចំនួនមតិ 0 | ចំនួនចែករំលែក 0
សម្ដេចក្រឡាហោម៖ ប៊ូល ទោះមិនមែនកីឡាធ្ងន់ដូចគេ ប៉ុន្តែក៏មានលក្ខណៈពិសេសដែរ
ចន្លោះមិនឃើញ
សម្ដេចក្រឡាហោម ស ខេង កីឡាប៊ូល និងប៉េតង់ នេះបើទោះជាមិនមែនជាប្រភេទកីឡាធ្ងន់ដូចគេផ្សេងមែន ប៉ុន្តែក៏មានលក្ខណៈពិសេសជួយសុខភាព និងផ្លូវអារម្មណ៍បានល្អផងដែរ។
សម្ដេចក្រឡាហោម បានមានប្រសាសន៍ថា បើទោះជាទីលានប្រកួតកីឡាប៊ូលនេះមើលទៅខ្លីមែនពិត ប៉ុន្តែបើគិតពីជំហានដើរចុះដើរឡើងពេលប្រកួតទម្រាំចប់ក៏មិនតិចដែរ ហើយទាំងនេះគឺពិតជាបានជួយដល់សុខភាពមួយផ្នែក។ ទន្ទឹមជាមួយគ្នានេះទៀតប្រភេទកីឡានេះ គឺបានជួយផ្នែកអារម្មណ៍ផងដែរដូចជាចេះរំងាប់អារម្មណ៍បានល្អ និងប្រមូលអារម្មណ៍ស្មារតីប្រឹងប្រែងប្រកួតជាដើម។
សម្ដេចក៏ថ្លែងអំណរគុណដល់ការខិតខំប្រឹងប្រែងបង្កើតពានរង្វាន់ «គរុគុណ»នេះឡើង ហើយមែនទែនទៅមិនមែនត្រឹមតែសម្ដេចខ្លួនឯង និងសម្ដេច សុខ អាន នោះទេគឺមានសម្ដេច ហេង សំរិន ឯកឧត្ដម និងព្រឹទ្ធាចារ្យជាច្រើនរូបទៀតដែលធ្លាប់ជួយលើវិស័យកីឡាប៉េតង់នេះ។
រំលឹកដែរថា ពានរង្វាន់ «គរុគុណ» លើកទី១ របស់សហព័ន្ធប៊ូល និងប៉េតង់ ដែលបានធ្វើឡើងរយៈពេល៣ថ្ងៃចាប់ពីថ្ងៃទី៦-៨ ខែវិច្ឆិកា ២០២០ កន្លងទៅនេះបានបិទបញ្ចប់ការប្រកួតហើយនាល្ងាចម្សិលមិញនៅឯពហុកីឡដ្ឋានជាតិ ក្រោមអធិបតេយ្យភាពសម្ដេចក្រឡាហោម ស ខេង ៕
