- 2020-10-24 08:38:11
- កីឡាផ្សេងៗ
មេនូឡាយហ្វ៍ ខេមបូឌា បន្តគាំទ្រព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្ត ឆ្នាំនេះ!
- 2020-10-24 08:38:11
- ចំនួនមតិ 0 | ចំនួនចែករំលែក 0
មេនូឡាយហ្វ៍ ខេមបូឌា បន្តគាំទ្រព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុងនៅអង្គរវត្ត ឆ្នាំនេះ!
ចន្លោះមិនឃើញ
ក្រុមហ៊ុនធានារ៉ាប់រងធំជាងគេនៅកម្ពុជា មេនូឡាយហ្វ៍ ខេមបូឌា (Manulife Cambodia) នៅតែមិនភ្លេចឡើយ កិច្ចការជួយសង្គម បើទោះបីបច្ចុប្បន្ននេះ ពិភពលោកកំពុងទទួលរងផលប៉ះពាល់ដោយសារជំងឺកូវីដ-១៩ ក៏ដោយ។ ជាក់ស្ដែង ក្រុមហ៊ុននៅតែធ្វើជាម្ចាស់ឧបត្ថម្ភធំ ព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុង នៅអង្គរវត្ត លើកទី២៥ នាខែធ្នូ ឆ្នាំ២០២០ ខាងមុខនេះ។
លោក យូ សាមឺឌី តំណាងក្រុមហ៊ុនធានារ៉ាប់រង មេនូឡាយហ្វ៍ ខេមបូឌា (Manulife Cambodia) បានឲ្យដឹងថានៅក្នុងសន្និសីទសារព័ត៌មាន នាថ្ងៃទី២៤ ខែតុលានេះថា ក្រុមហ៊ុនពិតជាមានមោទកភាពណាស់ដែលបានចូលរួមជួយឧបត្ថម្ភក្នុងព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុង នៅអង្គរវត្ត តាំងពីឆ្នាំ២០១៤ មក ក៏ព្រោះតែព្រឹត្តិការណ៍រត់ប្រណាំងអន្តរជាតិនេះ ជាការប្រមែប្រមូលថវិកាដើម្បីជួយទៅដល់មន្ទីរពេទ្យ-អង្គការនានា ដែលកំពុងធ្វើកិច្ចការជួយប្រជាពលរដ្ឋខ្មែរ។
តំណាងក្រុមហ៊ុនធានារ៉ាប់រងមេនូឡាយហ្វ៍ ខេមបូឌា (Manulife Cambodia) បានបន្ថែមថា បើទោះជាស្ថានភាពពិភពលោកកំពុងជួបភាពលំបាកលំបិន រួមទាំងកម្ពុជាយ៉ាងណាក្ដី ក៏ក្រុមហ៊ុនរបស់លោកនៅតែបន្តការគាំទ្រ និងជួយឧបត្ថម្ភធំដល់ព្រឹត្តិការណ៍រត់ប្រណាំងនេះដដែល។ បើទោះជាព្រឹត្តិការណ៍លើកនេះត្រូវកាត់បន្ថយចំនួនអ្នកចូលរួម ឬគ្មានកីឡាករ កីឡាការិនីមកពីក្រៅប្រទេសចូលរួមច្រើនក៏ដោយ ក៏មិនថ្វីដែរសម្រាប់មេនូឡាយហ្វ៍ ខេមបូឌា។
លោក យូ សាមឺឌី បន្តថា កិច្ចការជួយសង្គមនេះគឺវាស្របទៅហ្នឹងគោលការណ៍របស់ក្រុមហ៊ុនធានារ៉ាប់រង មេនូឡាយហ្វ៍ ខេមបូឌា (Manulife Cambodia)។ ក្រុមហ៊ុនមិនផ្ដោតតែលើអាជីវកម្មរបស់ខ្លួននោះទេ គឺតែងតែគិតដល់ការជួយសង្គម មិនថាផ្នែកកីឡា ឬផ្នែកផ្សេងៗណាមួយនោះឡើយ។
គួរបញ្ជាក់ផងដែរថា ព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុង នៅអង្គរវត្ត លើកទី២៥ នឹងត្រូវធ្វើឡើងនៅថ្ងៃទី៦ ខែធ្នូ ឆ្នាំ២០២០។ ព្រឹត្តិការណ៍រត់ប្រណាំងអន្តរជាតិពាក់កណ្ដាលម៉ារ៉ាតុងនេះ បង្កើតឡើងក្នុងបំណងផ្សព្វផ្សាយតំបន់ទេសចរណ៍របស់កម្ពុជា និងប្រមូលថវិកាជួយមន្ទីរពេទ្យ សាលារៀន និងអង្គការនានា៕
