- 2020-09-14 14:24:20
- កីឡាផ្សេងៗ
Mobile Legends: Bang Bang ប្រកាសចេញ Trailer ថ្មី Beyond Legends
- 2020-09-14 14:24:20
- ចំនួនមតិ 0 | ចំនួនចែករំលែក 0
Mobile Legends: Bang Bang ប្រកាសចេញ Trailer ថ្មី Beyond Legends
ចន្លោះមិនឃើញ
កីឡាអេឡិចត្រូនិកលើប្រភេទវិញ្ញាសា Mobile Legends: Bang Bang បានចេញវីដេអូផ្សព្វផ្សាយថ្មីហៅថា Beyond Legends ដែលជាផ្នែកមួយនៃគម្រោង Project NEXT ដែលបានផ្លាស់ប្ដូរហេរ៉ូជាច្រើនឱ្យកាន់តែល្អឡើង។
រាប់ទាំងផ្នែកខាងក្នុង និងខាងក្រៅ តួជាហេរ៉ូដ៏ល្បីល្បាញទាំងនោះដែលជាវីរបុរសនឹងមានជំនាញថ្មី រឿងរ៉ាវស្ថិតនៅពីក្រោយ និងការតុបតែងខ្លួន។ ក្នុងវីដេអូផ្សព្វផ្សាយថ្មីនេះ តួ Eudora ទទួលបានសេរីភាពពីការរើសអើងជាយូរមកហើយ តួ Zilong បានជោគជ័យចំពោះលក្ខណៈបែបវិទ្យាសាស្ត្ររបស់ខ្លួន ហើយទីបំផុត Miya បានក្រោកឈរ កែប្រែមុខមាត់ថ្មីផងដែរ។ ពួកគេទាំងអស់បានប្រែប្រឡាខ្លួនក្នុងជម្រើសរៀងៗខ្លួន និងទីបំផុតបានធ្វើឲ្យពួកគេកាន់តែខ្លាំងពូកែជាងមុនដែលពិតជាសមឥតខ្ចោះនៅក្នុងគម្រោង Project NEXT – Beyond Legends។
ជាមួយគ្នានេះ ខ្លឹមសារបទចម្រៀងរួមផ្សំនឹងរូបភាពបានក្លាយជាកម្លាំងចិត្តនៃគំនិត ‘Beyond Legends’។ ដូចជាលំហូនៃឈុតវីដេអូនេះ ទំនុកច្រៀងបានចាប់ផ្តើមពីកម្រិតទាប និងបានរីកចម្រើនជាប្រព័ន្ធឈានដល់សមត្ថភាពកម្រិតកំពូលដែលជាលទ្ធផលនៃវីរបុរសប្រែក្រឡាខ្លួន។
ជារួម គុណភាពវីដេអូ គុណភាពតន្ត្រី និងសាច់រឿង យើងអាចនិយាយបានយ៉ាងស្រួលថា វីដេអូផ្សព្វផ្សាយនេះមានគុណភាពកម្រិតខ្ពស់បំផុត បើប្រៀបធៀបនឹងអ្វីដែលធ្លាប់ធ្វើកន្លងមកពីវិញ្ញាសា Mobile Legends។ វីដេអូផ្សព្វផ្សាយនេះស្តែងចេញយ៉ាងច្បាស់ពីការលះបង់គ្រប់បែបយ៉ាងរបស់ក្រុមហ៊ុន Moonton ដើម្បីផ្តល់ជូនបទពិសោធលេងហ្គេមកាន់តែអស្ចារ្យដល់អ្នកលេងគ្រប់រូបទាំងនៅក្នុង និងក្រៅហ្គេម។
ពីរបីថ្ងៃមុនពេលវីដេអូផ្សព្វផ្សាយនេះបានចេញជាផ្លូវការ MLBB បានបញ្ចេញឡូហ្គោថ្មីកាលពីថ្ងៃទី៦ ខែកញ្ញា។ ឡូហ្គោថ្មីនេះត្រូវបានប្រើផែនទី MOBA ជាមូលដ្ឋានគ្រឹះដ៏សំខាន់ដែលតំណាងឲ្យប្រភេទនៃវិញ្ញាសាកីឡាអេឡិចត្រូនិក និងសង្កត់ធ្ងន់ត្រង់ចំពោះការប្រកួត និងកិច្ចសហការដែលជាគន្លឹះស្មារតីនៃវិញ្ញាសា MOBA។ ចំណុចស្នូលនៃឡូហ្គោគឺមានអក្សរ ‘M’។ ភ្ជាប់ជាមួយនឹងផែនទីទន្លេ អក្សរជានិម្មិតសញ្ញានៃចលនាបេះដូង និងតំណាងឲ្យភាពរឹងមាំ និងចំណង់ចំណូលចិត្ត។
អក្សរត្រូវបានរចនាឡើងយ៉ាងស្រស់ស្អាតដែលមានការតុបតែងលំអនៅជ្រុងខាងស្តាំ។ នៅចំកណ្តាលគឺមានអក្សរ ‘O’ រាងជាគ្រឹស្តាល់ដែលតំណាងឲ្យភាពរុងរឿងជាមួយនឹងពន្លឺ និងក្តីសង្ឃឹម ភាពអស្ចារ្យ និងផ្នែកខាងក្រោយរំលេចដោយវប្បធម៌ចម្រុះនៃវិញ្ញាសា MLBB ចែងចាំងជាសកល។ សម្រាប់លើអក្សរត្រូវបានរំលេចដោយពណ៌ពណ៌មាស ដូច្នេះហើយបានជាមើលទៅទាក់ចិត្តខ្លាំង និងលេចធ្លោតែម្តង។ មិនត្រឹមតែប៉ុណ្ណោះ វាក៏ជាសញ្ញាមួយនៃកីឡាអេឡិចត្រូនិកវិញ្ញាសា MLBB បើកទំព័រសករាជថ្មី ដែលពោរពេញដោយគុណភាព និងមហិច្ឆតាកាន់តែធំ។ ទាំងអស់នេះក្នុងគោលបំណងតែមួយគត់គឺផ្តល់បទពិសោធអស្ចារ្យដល់កីឡាការ កីឡាការិនី។
ស្របពេលកីឡាអេឡិចត្រូនិកកាន់តែល្បីល្បាញខ្លាំងក្នុងរយៈពេលប៉ុន្មានឆ្នាំចុងក្រោយនេះ Mobile Legends: Bang Bang តែងតែជាវិញ្ញាសាមួយឈានមុខគេ និងអភិវឌ្ឍបន្ថែមថ្មីៗឥតឈប់ឈរ ដើម្បីឲ្យមានលក្ខណៈកាន់តែអាជីព និងកាន់តែរីករាយ។