- 2019-12-24 08:24:23
- កីឡាផ្សេងៗ
CAMSOC បើកសិក្ខាសាលាស្ដីពីវិធានកិច្ចការរដ្ឋបាល និងនីតិវិធីហិរញ្ញវត្ថុ
- 2019-12-24 08:24:23
- ចំនួនមតិ 0 | ចំនួនចែករំលែក 0
CAMSOC បើកសិក្ខាសាលាស្ដីពីវិធានកិច្ចការរដ្ឋបាល និងនីតិវិធីហិរញ្ញវត្ថុ
ចន្លោះមិនឃើញ
គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ (CAMSOC) ព្រឹកមិញនេះរៀបចំសិក្ខាសាលាជាមួយ និងមន្ត្រីសហព័ន្ធកីឡានានាស្ដីអំពី វិធាន កិច្ចការរដ្ឋបាល និងនីតិវិធីហិរញ្ញវត្ថុនៅឯស្នាក់ការ NOCC។
ឯកឧត្តម វ៉ាត់ ចំរើន អគ្គលេខាធិការ CAMSOC បានសង្ខេបឲ្យដឹងថាក្រោយសិក្ខាសាលាមិញនេះថា ក្រោមការណែនាំពីអនុប្រធានឯកឧត្ដម ថោង ខុន ឲ្យបង្កើតជាកម្មវិធី ឬកិច្ចប្រជុំនេះឡើង គឺគោលបំណងសម្របសម្រួលឡើងវិញនូវកិច្ចការអនុវត្តន៍កន្លងទៅប៉ុន្មានខែនេះ ដើម្បីបិទបញ្ចប់ការអនុវត្តចុងឆ្នាំនេះ។
បណ្ដាសហព័ន្ធដែលត្រូវពាក់ព័ន្ធ និងទទួលថវិកាគាំទ្រពី CAMSOC គឺត្រូវបានអញ្ជើញមកចូលរួមពិភាក្សាគ្នាក៏ដូចជាលើកឡើងពីបញ្ហាប្រឈមនានាផងដែរ។ សម្រាប់យន្តការមួយចំនួនដែលខ្វះចន្លោះ ឬរអាក់រអួលគឺចាប់ផ្ដើមកែលំអជាបណ្ដើរៗទៅហើយ។ ទន្ទឹងនិងនេះគឺឯកឧត្ដម ថោង ខុន សង្កត់ធ្ងន់ដល់តំណាងសហព័ន្ធទាំងអស់ឲ្យដឹងពីជំនាញ និងកិច្ចការរដ្ឋបាលឲ្យច្បាស់ដែលធ្វើទៅតាមថានានុក្រម នីតិវិធីសាធារណ ក៏ដូចជាក្បួនច្បាប់ហិរញ្ញវត្ថុផងដែរ។
បញ្ជាក់ដែរថា កិច្ចប្រជុំរបស់ គណៈកម្មការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ (CAMSOC) នេះធ្វើឡើងនៅឯ NOCC ក្រោមអធិបតីភាពឯកឧត្ដម ថោង ខុន អនុប្រធានអចិន្ត្រៃយ៍ ឯកឧត្ដម វ៉ាត់ ចំរើន អគ្គលេខាធិការ និងឯកឧត្ដម ប៉ូ រតនា អគ្គលេខាធិការរង។ CAMSOC នឹងរៀបចំការសិក្ខាសាលា ឬកិច្ចប្រជុំនេះជាបន្តបន្ទាប់ទៀតនៅពេលខាងមុខនេះ៕
វីដេអូ៖
