- 2019-12-19 05:17:39
- កីឡាផ្សេងៗ
គូម៉ា៖ មោទកភាពដែលបានជួយផ្សព្វផ្សាយស៊ីហ្គេម ២០២៣ ហើយច្រៀងមិនយកលុយទេ
- 2019-12-19 05:17:39
- ចំនួនមតិ 0 | ចំនួនចែករំលែក 0
គូម៉ា៖ មោទកភាពដែលបានជួយផ្សព្វផ្សាយស៊ីហ្គេម ២០២៣ ហើយច្រៀងមិនយកលុយទេ
ចន្លោះមិនឃើញ
តារាចម្រៀងប្រចាំផលិតកម្មថោន លោក គូម៉ា និងលោក ខាត់ ជេម រួមនិងសិល្បៈមួយចំនួនទៀតនឹងចូលរួមច្រៀងដោយមិនយកថវិកានោះទេ ក្នុងកម្មវិធីកីឡាទេសចរណ៍ដែលធ្វើដំណើរ ២៥ រាជធានីខេត្តផ្សព្វផ្សាយពីស៊ីហ្គេម ២០២៣។
លោក គូម៉ា បានឲ្យដឹងថា បើនិយាយពីអារម្មណ៍វិញគឺសប្បាយចិត្តដែលបានចូលរួមជួយកិច្ចការសង្គម ជាពិសេសដែលទាក់ទងនិងវិស័យកីឡាលើកនេះ។ ពីមុនមកធ្លាប់ចូលរួមច្រៀងលក្ខណៈសប្បុរសធម៌ជាច្រើនដូចជាប្រមូលថវិកាជួយមន្ទីរពេទ្យជាដើម ប៉ុន្តែលើកនេះប្លែកបន្តិចដោយសហការជាមួយខាងកីឡាវិញ។
តារាចម្រៀងសម្បុរស្រអែមរូបនេះបន្តថា ជាមោទកភាពណាស់នៅពេលដែលកម្ពុជានឹងរៀបចំព្រឹត្តិការណ៍ស៊ីហ្គេម ២០២៣ នេះ ព្រោះជាកម្មវិធីធំផ្សព្វផ្សាយពីវប្បធម៌ និងសក្ដានុពលកីឡារបស់កម្ពុជា។ ដូច្នេះក្នុងនាមជាកូនខ្មែរមួយរូបដែរ នឹងចូលរួមជួយផ្សព្វផ្សាយតាមកម្មវិធីតន្ត្រីកីឡាទេសចរណ៍នេះ ខណៈការច្រៀងនេះគឺមិនយកថវិកានោះឡើយ។
កម្មវិធីកីឡាទេសចរណ៍ដែលរៀបចំឡើងរវាងគណៈកម្មាធិការជាតិអូឡាំពិកកម្ពុជា ក្រសួងទេសចរណ៍ និងក្រុមហ៊ុនឯកជននឹងចាប់ផ្ដើមដំណើរការពីឆ្នាំ២០២០ ខាងមុខនេះហើយ។ កីឡាទេសចរណ៍នេះនឹងធ្វើឡើងតាមបណ្ដាខេត្តនានាក្នុងប្រទេសកម្ពុជារហូតដល់ស៊ីហ្គេម ២០២៣៕
វីដេអូ៖